أصابع الجلاش الحلو من حلويات رمضان الشهيه إليك بطعم مميز وحشو متماسك مقدم من شيف سارة رجب
أصابع الجلاش الحلو طعم فخم جدااا مورق وحشوه متماسكة بطعم عااالمي وازاي نظبط الشربات و نتحكم ف الجلاش لو عايزينه طري او مقرمش
تقديم / شيف سارة رجب
الوصفه فيديو للي يحب يشوفها عملي وازاي نلفه بإحكام ونظبط الرول 👇
الطريقه كتابه للي معندوش قدره يشوف فيديو 👇❤️
أصابع الجلاش الحلو
المقادير… Sara Ragab
لفه جلاش
سمنه بدرجة حراره المطبخ ” لو السمنه كانت جامده يبقى نفكها ع النار يدوب تفك بدون ما تسخن جامد”
الحشوه… طبق سوداني محمص مجروش خشن.. معلقه كبيره سكر… زبيب…جوز هند. ربع معلقه صغيره قرفه
الطريقه… Sara Ragab
نفرد ورقه جلاش وندهن سمنه كويس جدا جدا و نفرد عليها الورقه التانيه و نحط الحشو بعد الطرف بشويه و نلف بإحكام كويس جدااااا ( لازم تشوفو الفيديو هيوضحلكم جداااا)
ونرص ف صينيه مدهونه سمنه و الآخر نقطع الجلاش صوابع الحجم ال نحبه و ندهن الوش سمنه
و على فرن سخن حراره 180 الرف الوسط فرن بس بدون ما نولع الشوايه لمده نص ساعه وخمسه.. وبعد كده نولع الشوايه ياخد لون دهبي ونخرجه نسقيه شربات وسط القوام بحراره الغرفه.
الشربات…Sara Ragab
2كوب سكر
كوب ونص ميه
يغلوا ع النار وننزل ب 3 نقط بس من عصير الليمون و نحسب من اول الغليان 8 دقايق ع نار وسط ونطفي.
لنجاح الشربات…
نشيل اي ريم ابيض ظهر وقت الغليان
و نتأكد ان حروف الحله ممسوحة كويس جدا من نقط الشربات ال بتكون موجوده وقت الغليان.
اترك تعليقا