إليك ابسط الطرق لعمل التوميه السورى
التوميه السورى
ابسط واضمن طعم للتوميه السورى مقدمة من ضيف /هدير علام
المقادير والطريقة :
كوبايه ميه ندوب فيها معلقتين كبار نشا ونرفعهم ع النار مع التقليب المستمر لحد ماناخد قوام تقيل نطفى ونسيبها تبرد
فى الخلاط هنحط معلقه توم مفروم + ربع معلقه صغيره ملح + ربع كوب زيت + ٣ معالق كبار خل + ٥ معالق كبار حليب + معلقتين كبار مايونيز ونضررب مده لاتقل عن ٥ دقائق وبعدين نضيف النشا بعد مابردت هتبقى كتله كده احنا عاوزنها كده نحطها على الخليط اللى فى الخلاط ونضرب كمان ٥ دقائق وبقى عندنا احلى توميه زى اللى بره بالظبط وبالف هنا وشفا متخافوش تجربوها
اترك تعليقا