البسبوسه بالسمن البلدى مقدمة من شيف / هدير علام

البسبووووسه بالسمنه البلدى مقدمة من شيف / هدير علام المحبى.
Article rating: out of 5 with ratings

البسبوسه بالسمن البلدى مقدمة من شيف / هدير علام

البسبووووسه بالسمنه البلدى مقدمة من شيف / هدير علام المحبى...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

البسبوسه بالسمن البلدى مقدمة من شيف / هدير علام

28 أكتوبر، 2020, 4:54 م
284
البسبوسه بالسمن البلدى مقدمة من شيف / هدير علام
طباعة

البسبووووسه بالسمنه البلدى مقدمة من شيف / هدير علام
المحبى البسبوسه
النهارده هنعملها بالحليب واضافه مكون كمااان هتخلى البسبوسه فى حته تانيه خالص وبجد نتيجتها احلى كتيررررر من بره
المكونات:
٢كوب سميد /نص كوب حليب دافى/ نص كوب سمنه بلدي سائل ودافى / معلقه صغيره بيكينج بودر/ معلقتين كبار عسل ابيض/ نص كوب سكر /معلقه كبيره جوز هند مطحون” اختيارى”والمكون الاضافى اللى قلنا عليه معلقتين كبار لبن بودره

الطريقة :
هناخد اللبن البودره على طاسه مبتلزقش بدون اى مواد دهنيه على نار هاديه ونحمصه لحد مايوصل للون دهبى فاتح هيبقى شبه البسكوت المطحون ونركنه يبرد
فى بوله هنحط السميد والسمنه ونقلب حلو جدا بأيدينا أو بمعلقه لحد ماكل السميد يتغلف بالسمنه بعد كده هنحط اللبن البودره المحمص والحليب الدافى والسكر والعسل وجوز الهند والبيكينج بودر كلهم مع بعض مره واحده ونرفع أيدينا خالص ونبدأ نلم العجين ونمزجه بالمعلقه اول ماكله يتجانس خلاص هنوقف ” سمكه هيكون تقيل شويه ” احنا عاوزينه كده
علشان بقى نعرف نطلع البسبوسه من الصينيه كده ساعه التقديم هنجيب صينيه مقاس ٢٤ وندهنها سمنه بسيط ونحط ورق زبده ونلمع ورق الزبده بفرشه سمنه وننزل بخليط البسبوسه ونخبط الصينيه على الرخامه بحيث يتساوى ارتفاع الخليط كله ونحط اى نوع مكسرات نحبه وندخل فرن سخن على ٢٠٠ واول مالجوانب تاخد لون نطفى ونشغل الشوايه الوش ياخد لون ونطفى نطلع من الفرن وهى سخنه مولعه نسقى بشربات سخن مولع
طريقه الشربات وبيكون شبه خفيف .. كوب ونص سكر كوب ونص ميه عصير نص لمونه تقليبه ونرفع ع النار ياخد غلوه ننزل بمعلقه كبيره عسل جلوكوز بيظبط القوام اوى لو مفيش هنحط عسل ابيض ياخدو غلوتين كمان ونطفى نحط معلقه صغيره سمنه بلدي ورشه فانيليا ونسقى على طول البسبوسه وهو سخن … يعنى اول ماندخل البسبوسه الفرن هنعلق ع الشربات علشان الاتنين يجهزوا فى نفس الوقت
بعد ماسقيناها هنغطى عليها ونسيبها تبرد تماماااااا وبعدين نقلبها بقى فى طبق التقديم ونشيل ورق الزبده هتتقلب بسهوله جدا . اهم حاجه يكون ورق زبده نوع كويس وبس كده الف هنا وشفا⁦⁩ وبجد لازم تجربوها وتركايه اللبن البودره المحمص ده بيديها طعم ولا اروع ولون كمان حلو اوى

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات