التهاب الأذن في الرُّضَّع أسبابة وأعراضه وكيفية علاجة والوقاية منه
التهاب الأذن في الرُّضَّع أسبابة وأعراضه كيفية علاجة والوقاية منه مع د / أحمد السباعي
التهاب الاذن يحصل غالبا بسبب الاصابة بعدوي بكتيرية او فيروسية او فطريه بتأثر عالاذن الوسطي ،، واغلب الاسباب هي التهاب الحلق ونزلات البرد ،،
الاذن الوسطي دي موقعها في المنطقة اللي بتكون بين طبلة الاذن وقناة اوستاكييوس
نسبة الاصابه للاطفال بالتهاب الأذن الوسطي عاليه جدا وكبيره وده لسبب ان قناة اوستاكيوسي عندهم اضيق واقصر من الكبار
فلما بيحصل عدوي (اهمها التهابات الحيوب الانفيه والحلق ) بيحصل للقناة تورم وضغط عشان كده بيحسوا بألم شديد ..
______________
في شوية علامات واعراض بتظهر علي كفلك الرضيع واللي بيها بنتاكد انها التهاب للاذن الوسطي
❣️ البكاء المستمر في حاجه بتوجعه ،
❣️رامي دماغه علي كتفك ومش عايز يتحرك
❣️الالم مع لمس الاذن ،، مش هيستحمل يلمسها
❣️ارتفاع درجة الحرارة ودي من اهم الاعراض
❣️رفض الرضاعه (الم الاذن يزيد مع حركة الفكين) ،
❣️رفض حتي النوم ، والتفاعل في انين طول الوقت
❣️فتح الفم و التنفس السريع لتسكين الم الاذن.
❣️احيانا افرازات شمعيه سائله ونادرا ماتكون لونها ابيض (دليل للفطريات )
❣️ التهاب او تضخم الغدد الليمفاوية المجاوره سواء هلف الاذن او الخدين
❣️بعض الأطفال مصاحبه للترجيع نتيجة الدوخه اللي ممكن تسببها تراكم السوائل داخل الاذن نتيجة الالتهاب ..
باختصار( ابنك سخن وبيعيط ورافض الاكل )
________________
طيب هنعمل ايه
كالعاده اول اختيار عندنا هو مسكن الالم وكالعاده هنستخدم الباراسيتامول (السيتال )
ولو الطفل اكبر من سنه نستخدم البروفين مسكن قوي في الحاله دي
لو الاعراض حاده والم موضعي ممكن استخدام المسكنات الموضعيه زي نقط الاوتال ( ممتازه علي فكره لكن ماتسخدمش كتير مره او مرتين وتقف )
نحاول بعمل كمادات بارده علي المكان نفسه مش دافيه عشان نقلل الالم (الكمادات البارده مسكن عالي جدا موضعي )
تقديم الاكل السهل اللي ممكن يبلعه الطفل بدون مجهود للمضغ ،، حتي لو قامت الام بتعصير الصدر وياخده الطفل بلع بالسرنجه..
هنحاول نتمايل معاه حسب رغبته ونيمه علي الجنب اللي يريحه
لو في اعراض حاده زي ارتفاع درجة الحراره والترجيع ،، في الوقت ده هنتوجه لاقرب طبيب اطفال او انف واذن ايهما أقرب هنحتاج مضاد حيوي وممكن كمان مسكنات ومضادات التهاب اكبر من الباراسيتامول زي الكورتيزون..
_______________
نزلات البرد والخنفره اكبر الاسباب لالتهاب الاذن الداخليه والاذن الوسطي ..
عشان كده اي اعراض للانف لازم علاجها خاصة لو كانت مزمنه ومصاحبه للاصابه باللحميه .
مش عايز اقولكم ان ارتشاح طبلة الاذن اول مضاعفات التهاب الاذن الوسطى ..
كمان معروف ان تكرار الاصابه بالتهاب الاذن سبب رئيسي لتاخير الكلام وصعوبة الفهم وده لتاثيره علي السمع…
مهم جدا نعرف ان الرضاعه الليليه سبب لتسوس الاسنان مش إلتهاب الاذن ،، البيبي يرضع وانتي نايمه عادي جدا طالما مفيش ارتجاع وبيبلع كويس ،، (ودن الولد مش مخرومه عشان تسرب لبن)
______________
عشان تحمي طفلك من التهاب الاذن الوسطي #تطعيم_المكورات_الرئويه بداية من عمر الشهرين اول جرعه يحميه من التهابات الاذن والوسطي ومن الالتهابات الرئويه . #ماننساهوش
اترك تعليقا