الرئيسية أخبار السينابون الهش والطري

السينابون الهش والطري

moda 445
السينابون الهش والطري
واتساب ماسنجر تلجرام

السينابون
بطريقه اسهل مختصره والنتيجه رووووعه خطيرررره مقدم من / شيف هدير علام

نقول الطريقه والصوره مبينه هو اد ايييييه هش وطرى جدا
يلا بينا
٤ اكواب ونص دقيق فاخر
بيضتين فى درجه حراره المطبخ
نص كوب لبن دافئ . ربع كوب ماء دافئ
ربع كوب زبده طريه . ٤ معالق كبار زيت
ربع كوب سكر .معلقه صغيره فانيليا سائله
معلقه كبيره خميره فوريه
معلقتين كبار ” حليب بودره أو مايونيز أو زبادى “
فى بوله هننزل بالحليب والميه والخميره ورشه من مقدار السكر ونقلب كويس ونسيبها ١٠ دقائق تخمر بعد كده هننزل بباقى السكر والبيض والفانيليا ونقلب بمضرب يدوى أو شوكه بعد كده ننزل بمقدار الدقيق بالتدريج ونعجن لحد مالعجينه تبدأ تلم بس تكون لسه ملزقه ننزل بالحليب البودره أو المايونيز أو الزبادى وننزل بمقدار الزبده والزيت ونعجن مالايقل عن ٧ دقائق لحد ماناخد عجينه طريه شبه ملزقه بس بتفك من الايد ومافيهاش اى حبيبات تكون ناعمه خالص
ندهن البوله زيت ونحط العجينه ونغطيها لحد ماتخمر وتتضاعف
بعد كده هنفردها على سطح مرشوش دقيق بسمك متوسط مش رفيع ونحاول نظبطها مستطيل وبعدين ندهن السطح كله زبده طريه ونرش عليه كله ميكس ” سكر وقرفه وكاكاو خام “
ونبدأ نلف رول ونقطع قطع متوسطه متساويه ونرصهم فى صينيه الخبز تكون مدهونه زبده ونسيبه يخمر تانى وندخل فرن سخن على درجه من ١٨٠ ل ٢٠٠ لتمام التسويه والوش ياخد لون دهبى جميل ونخلى بالنا الحجم بيتضاعف بعد التخمير وكمان مره بعد التسويه
يطلع من الفرن نحط الصوص ونقدم بالهنا والشفا
الصوص عباره عن كريم شانتيه مخفوق الكميه اللى عاوزينها ومضاف ليها جبنه كريمى وفانيليا سائله وبمضرب يدوى نقلب ونزود لبن حبه بحبه لحد ماناخد القوام اللى نحبه ” نسبه الكريمه اد الجبنه “
أو طريقه تانيه اللى هى كوب لبن محلى مكثف عليه تمن ك جبنه كريمى أو ٦ قطع جبنه كيرى ويضربوا مع بعض
بس كده وممكن اضافه صوص الكراميل أو الشوكليت ع الوايت صوص

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *