المتاهة

بقلم / عبير أحمد

“رصــد الــوطــن”

وفي عز الشده تقول هتهون ..ولا بتهون ولا بتمون
قلبك في مكان وعقلك في مكان وروحك تايهه في بين الوديان.. وفجأة تحس ان انت جبان..جواك وحوش بتتصارع.. وبراك انسان هااامل.. عايش بدماغه ولا علي باله.. والشمتان لسه بيتحسر.. قال إيه ؟؟ بيقول حزنان.. اومال انا اعمل ايه؟؟ لما يجلي شويه برد.. بقعد عاجز في سريري.. مش زيك هايص بسنيني.. والدنيا راحت لغريمي.. وانت يا عيني بتضحك ضحك هيستيري!! ما هو اصل الرد هيفيد بإيه؟؟ هيصدق مثلا تبريري.. ولا ضميره هيصحي يواسيني!!..ولا اتهور واصرخ واعادي كل الناس..واهرب بعيد ادور حزن يسقيني من نفس الكاس.. ولا اقولك ؟!..هاخدك معايا ابسطك في نفس السكه اللي هتسعدك.. سافر واتغرب وروح واتمرمط بس بشرط هتنفذ بالحرف واوعي تفلفص…قبل ما تركب اي وسيله عربيه كانت ولا سفينه.. قلبك ترميه جوه المدينه.. وروحك تتسلم مع اوراقك عشان التأشيرة.. ومبرووووك عليك عقلك يلا السلامه احنا اكتفينا..
ازي الحاااال؟؟
فين لسانك بلعته باسبرينه ؟ ولا حبايه ضغط ولا يمكن صابك هم وغم؟؟ او فكر يقتل اتخن حلم..
ولا صعبااااانه عليك رووووحك؟؟
ما كانش ينفع تتسلم تسليم اهالي.. علي الأقل انا راضي بحالي.. مدتلك ايدي!! …طب حتي سألتني مالي ؟؟!
مش شايف غير ضحكه مجنونه… وعنيك معميه عن عيون مدفونه.. الدمع فيها أعلن تمرده.. قالي أنا مش مراتك تحبسها وفي بيت الطاعه هتكممها!!.. انا حر في طبيعتي بنزل بكيفي ومعرفتي.. مش قررت تطلع تطلع بطلع وتحبسني.. يبقي اتحمل واوعي تثبتني!!.. عقابك جفا العيون.. وهخلي قلبك بركان يغ
لي ..ولا عندي ضمير ولا عقل يحكمني.. غضبي مرض ملوش علاج.. وتوهه وحيره وحرمان.. مش كل الواقفين قدامك جبال.. دوس عالجرح بس.. وكل شيء هيبان.. ده الناس مناظر وبتتظاهر وحقيقتها مداريه ورا الحطان.. ضحكة الناس خداعه.. زي هدوء البحر من بره رايق .. وجواه مليووووووون دوامه..