الرئيسية أخبار الوقايه من كرونا والحماية منها مع نزول الأطفال المدارس

الوقايه من كرونا والحماية منها مع نزول الأطفال المدارس

moda 1054
الوقايه من كرونا والحماية منها مع نزول الأطفال المدارس
واتساب ماسنجر تلجرام

نصائح د /أحمد السباعي لأطفال المدارس والكورونا وخطوات الحمايه والوقايه من العدوي
*كان اول خطوه واهمها تدريب اطفالنا علي لبس الكمامه ، اللي هي المانع الاول والاهم في نقل وتقبل العدوي من الاشخاص المصابه او من الهواء

📢الخطوه التانيه #غسيل_اليدين والحفاظ علي تطهريها بشكل دائم

🎗️ازاي هنعود اطفالنا علي غسيل اليدين او تطهيرها بشكل مستمر وهما في مدرستهم علي الرغم من صغر سنهم

# انا اقولك ازاي التعود هو اهم سمات الاطفال لاكتساب المهارات.
يعني كل ما طفلك يكرر الفعل مرات ومرات اكتر هيصير عاده عنده ومنهج في سلوكه
زي بالظبط تعود الطفل علي الاكل او تعليمه المشي والكلام ( التكرار يعلم الاطفال )

# طفلك بيتكلم وبيفهم وبيسمع الكلام هنعلمه قواعد واداب النظافه العامه واولها نظافة اليدين :


*قبل الاكل لازم يكون غسل اليدين وبعد الاكل لازم غسيل اليدين مع كل وجبه حتي لو سناكس حتي لو فاكهه هنعوده ان قبل استخدام اي شئ غسيل اليدين
بعد الحمام لازم غسيل اليدين

*قبل النوم وبعد ما يصحي من النوم غسيل اليدين والوجه وتنظيف الانف

  • *كل طفل عندك اكبر من ٥ سنوات هنشتريله علبة كحول خاصة عشان لو كسلان يغسل ايده او لمس اي سطح غريب يرش كحول ويطهرها ونتابعه بعنينا ونوجهه ديما للاستخدام الصحيح

هنعلمهم مش صعبه اطفالي ٣ سنين و٥ سنين وعلمتهم مامتهم واتعودو واصبح سلوك عندهم ، لو انا نسيت غسيل اليدين هما بيفكروني ( بينصحوني)

# لو اتعود طفلك اسبوع بمتابعتك ومراقبتك لكل حركاته والنصيحة الدايمه والمكافئات المستمره بالضحكه العريضه والتوصيات ان دي من مصلحته وأنها هتحميه من العدوي (اه طفلك هيفهم كده ) في الاسبوع التاني هتلاقي طفلك تلقائيا اتعود واصبح قواعد النظافه العامه سلوك اساسي عنده

# في الوقت ده هتنزليه الحضانه او المدرسه وانتي مطمنه عليه حتي من نزلات البرد الموسميه ..

اطفالكلينيك. داحمدالسباعي

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *