اميره علوان : تكتب/ مرض العصر
اميره علوان : تكتب/ مرض العصر
حب المظاهر الحب احلى مافي الكون حاجه كده بتخليك تشوف وتحس كل حاجه حلوه ليها طعم ولون وريحه حاجه كده بتخليك تنام سعيد مبسوط مرتاح البال نوم جميل عميق مريح للأعصاب وتصحى فايق ورايق وكلك طاقه إيجابية متهني وانت خارج من بيتك رايح شغلك كأنك طاير بدون أجنحه وشك بيضحك حتى وأنت ماشي لوحدك ومبسوط أوي بس ولمجرد وجود حبيب فحياتك محلي الحياة ومعاك يوم بيوم حتى لو حبيبك بعيد تحسه بمشاعرك مكالمه تليفون واحده بس منه بتخلي قلبك يعزف مزيكا أهل الحب هما اللي مش بيقدروا يعيشوا بدونه واللي ماله حبيب تنقصه المشاعر الطيبه والجميلة في ناس طول ماهيا عايشه عايزه تفضل تحب وتتحب لحد موشها يكرمش حتى لو عدوا السبعين والتمانين من عمرهم هماواتخلقوا عشان يعشقوا كل معاني الحب الجميله الناس دي بتتنفس حب وعشق وهيام نادرين أوي من يمتلكون هذه الصفات نادرون في زمن مرض العصر من يعشقون حب المظاهر والمصالح والمال تاهو بينهم يعني تعالوا كده ندور على حبيبين شبه بعض فالزمن ده صعب يلاقوا بعض وصعب لو لاقوا بعض يصدقوا بعض لأنهم عمله نادره ويعلمون جيدا انهم نادرون ولذلك عند لقائهم لا يصدقون بعضهم البعض يا محلى هؤلاء البشر حقا أنهم جيدون يمتازون بإحساس كله مشاعر لا توصف جمالها ولا يقدر أحد أن يشعر بها ويتذوقها إلا هؤلاء أصحاب أجمل مشاعر وأنقى قلوب على وجه الأرض ففيهم علامه يدخلون القلوب من أول لقاء فلا تشعرون متى تسلقوا ودخلوا القلوب مثل الهواء لما يلمسك لكن لا تقدر تشوفه ولا تمسكه بإيديك هذا هو الحب حب تكتفي برجل واحد ورجل يكتفي بامرأة واحده هم لا يعرفون الخيانه والغدر والإذدواجبه بالعلاقات يكتفون بموجب وسالب فقط لأنهم لا يشعرون بسعادتهم إلا وهم مجتمعين معا بالنسبه لبعضهم حياة قالوا لا حياة بعد الموت ولكن أقصى أقصى درجات الموت وانت تعيش فوق الأرض مع رجل أو إمرأه لا يجمعك بها أي مشاعر وكأنك سجين مجبر على الحياة ولكنك سجين لا تعرف طعم الحياة ولا لذتها تعيش وكأنك وراء القضبان بزواج أوي علاقه اختارها لك أحد أيا كان وكأنك تلوم القدر عندما تتذكر وتلوم نفسك عن ماضي تركته بما كان يحمله من مشاعر حقيقية جميلة كانت تسعدك كثيرا واختيار كارت كان فنظرك كارت رابح مختلط بالمصلحة وحب المظاهر من الممكن أن يكون هذا الكارت رابح ولكنك خسرت نفسك سعادتك أمنياتك حياتك دفنت مشاعرك وقتلت قلبك وتعايشت مع واقع يكاد أن يكون أليم من الممكن أن تتعايش معه ولكنك لن تكن سعيد إلى كل من تزوج من لا يحبه إرضاء لحب المظاهر وإرضاء المجتمع ستظلون تبحثوا عن أحبه قد تركتهم من أجل حب المظاهر ستظلوا تبحثون عنهم وتتخيلونهم في وشوش كثيرة تزوجوا من تحبوا وإبتعدوا عن حبكم للمظاهر أمام الناس فالناس يا عزيزي لن تسعدك نظراتهم ولا انبهارهم بمن تتزوج فإنهم لن يجتمعوا على شخص فهل أنتم تتزوجون لإسعادكم أم لإسعادهم.
إحنا بنعيش مره واحده وليه يبقى معايا واحد أو واحده يربطني بيه حب كبير أفرط فيه وأرتبط بإنسان أخر لا يربطني بيه إلا حبنا للمظاهر وأخلص فرحي وأرجع أدور على حبي القديم في وشوش كتير وفالأخر ملقيش بلاش نفكر بعقول إللي حوالينا ونمشي ورا عقلنا عيشوا مع إللي يحليلكم الدنيا وإللي تقتنعوا بيه فكر واختار بعقلك وقلبك مش بعقل وعيون اللي حواليك متبصش فعيون الناس وتشوف قيمتك أو قيمت الغير فكر بعقلك قيم بنفسك.
على فكره إنتم إللي فالأخر هيتقفل عليكم باب واحد وهتكملوا حياتكم مع بعض فأنا عاشقه للحب لا أقدر على الزواج دون أن تأخذنى المشاعر تجاه من سأتزوجه لا أقدر على زواج العصر الحديث ولا أهتم بالمظاهر أرفض أن اتزوج من إنسان أمام الناس لا تجمعني به أي مشاعر مجرد حب للمظاهر الكذابه التي سيمل بعضهم الآخر من كثره التمثيل مدى الحياة فهل تنكرون من أنكم تخونوا فهل تتزوجون لكي تعرفون أنفسكم من الخطيئة المحرمة وتكملون نصف دينكم ستذهبون إلى زواج لا تقدرون نفسيا أن تعطوا فيه أي حقوق من مشاعر فلا تشعرون في هذا الزواج إلا بتقضيه واجب فلماذا تقتلون إحساسكم من أجل زواج عصري ممزوج بحب المظاهر يقتل الروح ويميت القلب ويدمر الإحساس وكل ده ليه عشان حبكم للمظاهر مرض العصر سلمولي على قلبكم الجريح وعيشوا عيشه مش حلوه وإختاروا طريق التعاسة ويارب تكملوا الحياه دي بس اتمنى تقدروا تكملوا بدون خيانه كونوا أنقياء إحنا عايشين ننبسط بالحياة لو لقيت حبيب فيوم متفرطشي فيه هتندم لو إختارت تكمل مع غيره وهتفضل تدور عليه فوشوش كتير ومش هتلاقيه الحب حاجه حلوه بتسعد القلوب.
اترك تعليقا