” بحره اللي نادالي ” .. أحدث قصائد الشاعر المبدع طلعت العسيلي

كتبت : منال محمد الغراز

ننفرد بأحدث قصائد الشاعر البورسعيدي المولد ” طلعت العسيلي ” بحره إللى نادا لى .. من ديوان ” قيود من ذهب ” ... يقول الشاعر :
نادا لى البحر صحانى من نومى
قاللى تعالى عندى رزق كتير
رديت .. غاويتك و الله من يومى
جايلك كدا على طول بدون تفكير
و أخدت مرجونتى
و سنارتى
و طعومى
قاصد على شطه وجه رب كريم
و قولت للميه
زيدى بقى شويه
دا الرزق دايما ييجى ف زياده
ردت .. و قالت ليا بزياده
رزقك .. على المولى عندى بزياده
و اصبر على طعمك كده شويه
م تستعجلش ع الغمزه
سيبها تغرق قوى فيا
و شيل غابتك ب حنيه
شبكت .. قاروصه كبيره و عفيه
و اطلعبطتلى ف الميه
لكن على مين يا قاروصه
تعالى .. يا حلوه يا عروسه
و شدتنى .. وشديتها بحنيه
و جاتلى دايخه ع الميه
و حطيتها ف مرجونتى
و خدت معايا سنارتى
و روحت لبيتى و عيالى
قامت مراتى داعيا لى
و عملتهلنا ف صنيه
و مشوى و جزله مقليه
سجدت مراتى و عيالى
بتشكر ربنا العالى
على .. بحره اللى نادا لى …..

والجدير بالذكر أن الشاعر البورسعيدي الأصل “طلعت العسيلي ” عمل فى بورسعيد منذ عام 1980 حتى 2001 فى أكبر و أشهر شركة ﻹستيراد البارفانات و مستحضرات التجميل العالمية مديرا التسويق و المبيعات لمنتحات : إيف سان لوران – نينا ريتشى – باكو رابان – كينزو – مونتانا -إسكادا – شانيل هوجو بوص و غيرهم من المنتجات العالميه .. إنتقل فى نفس العام 2001 إلى القاهره مع أحد أصدقاؤه المستورد المعروف فى مصر و الوطن العربى ليكون مديرا لتسويق و مبيعات
المنتج العالمى للعنايه بالشعر ” بريل كريم “و حتى عام 2015 .
وعن حبه و تعلقه للبحر يشير ” العسيلي ” ما بين هواية صيد اﻷسماك بالمناطق المختلفه ببورسعيد و البردويل و القيام برحﻻت فى البحر اﻷحمر من ناحية وإنشغاله مع إبنه بطل مصر و بورسعيد و نادى التجديف فى سباحة المسافات الطويلة ، وهذا جعله يقضى معظم فترات حياته متعلقا بزرقة البحر الذى كان له اﻷثر فى تركيبته الوجدانيه
فمنحه اﻹلهام و وهبه الله اﻹبداع فكان الشاعر البورسعيدى المعروف بالقاهره على مستوى الشعراء بها و بالمحافظات و الذى حباه الله بحب اﻷدباء و النقاد و الشعراء بدون إستثناء .
ويضيف انه كان حريصا كل الحرص عندما يقف على خشبة المسرح فى كل اﻷمسيات بالمنتديات والصالونات أن يقدم نفسه للجمهور مخاطبا
إياهم : أنا الشاعر طلعت العسيلى من بورسعيد إلى أن عرف فى الوسط بالشاعر ” البورسعيدى “