تامر حسني يتحدث طول ما أنت بتحلم مافيش مستحيل في هوليوود

كتب / حسام صلاح

“رصـــد الـــوطــن”

عبر النجم تامر حسني عن سعادته بعد اختيار فيلمه الجديد «تصبح على خير» للعرض في هوليوود كأول إنتاج مصري يعرض على شاشات هوليوود.
وقال تامر على صفحته: «والله العظيم كان حلم من أحلام حياتي إني أكون فنان مصري عربي وأحد مشاهير العالم اللي ممكن صوته يوصل لكبار متخصصي الفن في العالم عشان يقيموا مشواري الفني ويتعملي الطباعة الأسمنتية لليد والقدم في هوليوود».
وأضاف: «إنما كمان أكون أول فنان عربي وكمان فيلمي تصبح على خير هيكون أول إنتاج مصري يعرض على شاشات هذا المسرح العريق في هوليوود ده كرم كبير اوي ولحد ماتمت دعوتي للتكريم ولوقتنا هذا أنا والله لسه مش مصدق وخايف أفرح أصلًا».
وتابع: «بس كان لازم أعبرلكم عن صدمتي وفرحتي بالتكريم ده أصله ليه معنى كبير أوي عندي كمصري عربي لازم تعرفوا أن مفيش مستحيل مهما شوفتوا أي ظروف وواجهتوا أي صعاب طول ماأنت بتحلم وبتسعى وبتجتهد مفيش مستحيل شكرًا مجلة enigma العالمية الحمدلله».
و”تصبح على خير” بطولة كل من تامر حسني، ونور اللبنانية، ودرة، ومي عمر، وهو من تأليف وإخراج محمد سامي، ومن إنتاج وليد منصور.