تشاينيز تشيكن صويا صوص

تشاينيز تشيكن صويا صوص مقدم من شيف هدير علام تشاينيز.
Article rating: out of 5 with ratings

تشاينيز تشيكن صويا صوص

تشاينيز تشيكن صويا صوص مقدم من شيف هدير علام تشاينيز...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

تشاينيز تشيكن صويا صوص

3 أكتوبر، 2020, 10:01 ص
283
تشاينيز تشيكن صويا صوص
طباعة

تشاينيز تشيكن صويا صوص مقدم من شيف هدير علام

تشاينيز تشيكن صويا صوص 🍛🍛
يلا نقول الطريقه
هنقسم الوصفه ٣ مراحل
اولا الفراخ والتتبيله بتاعها ⁦
نص كيلو صدور مخليه متقطعه مكعبات
٢معلقه كبار نشا . معلقه كبيره دقيق .
ربع معلقه صغيره لكل من “قرفه . جنزبيل”
ملح . معلقه صغيره فلفل اسود
معلقه كبيره توم بودره . معلقه كبيره بصل بودره
معلقه كبيره بابريكا
ثانيا الصوص ⁦
٣معالق كبار صويا صوص غامقه
٣معالق كبار كاتشب
معلقه صوص حار “حسب الرغبه ⁦⁩”
كوب ونص ميه
نص معلقه كبيره عسل اسود او ابيض ويفضل الاسود
رشه فلفل اسود
ثالثاااا تغليف الفراخ
٣معالق دقيق كبار
٢معلقه كبيره نشا
يلااا نطبق بقى
فى بوله هنحط مكعبات الفراخ المغسوله ومتصفيه وننزل عليها بكل مكونات التتبيله المذكوره فوق ونقولها تانى ⁦⁩”٢معلقه كبار نشا . معلقه كبيره دقيق .
ربع معلقه صغيره لكل من “قرفه . جنزبيل”
ملح . معلقه صغيره فلفل اسود
معلقه كبيره توم بودره . معلقه كبيره بصل بودره
معلقه كبيره بابريكا”
نقلب كله فى بعضه كويس ونسبها تتبل مالايقل عن ٣ساعات فى التلاجه
بعد مده التتبيله هناخدها على التغليف اللى هو طبق فيه ال٣’معالق كبار دقيق ومعلقتين النشا الكبار نقلبهم وننزل عليهم بقطع الفراخ تتغلف كويس وناخد قطع الفراخ المتغلفه على طاسه فيها زيت سخن ويكون كميه كويسه تغطى الفراخ نحمرها حلو جدا تاخد لون ذهبى وتقرمش من بره
تطلع من النار نصفيها على مناديل مطبخ
وفى حله تانيه أو طاسه نحط معلقتين زيت وننزل ببصله كبيره متقطعه انصاص حلقات تاخد تشويحه بسيطه ننزل بالفراخ المتحمره ونقلب وفى طبق بره نحط مكونات الصوص المذكوره فوق “٣معالق كبار صويا صوص غامقه
٣معالق كبار كاتشب
معلقه صوص حار “حسب الرغبه ⁦⁩”
كوب ونص ميه
نص معلقه كبيره عسل اسود او ابيض ويفضل الاسود
رشه فلفل اسود
نقلب كويس وننزل بيهم على الطاسه اللى حطنها ع النار فيها الفراخ والبصل نقلب كويس نهدى النار لحد مالصوص يتقل وتمااام ع كده نغرف فى طبق التقديم وبالف هنا
الوصفه بالتفصيل الممل علشان محدش يتلخبط وعلشان كل اللى اول مره يعملها تطلع معاه مظبوطه وان شاء الله الطريقه دى هتديكو نفس الطعم اللى بناكله بره
وقدمنا معاها هنا الرز البسمااتى الابيض بالخضار.

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات