الرئيسية أخبار تطعيم الانفلونزا الموسميه السنوي

تطعيم الانفلونزا الموسميه السنوي

moda 1187
تطعيم الانفلونزا الموسميه السنوي
واتساب ماسنجر تلجرام

د/ أحمد السباعي

التوصيات كلها كانت السنين اللي فاتت في ان التطعيمات لها دور فعال لحماية الطفل وتقوية مناعته

وكان تطعيم الانفلونزا له توصيات مختصه في حماية الاطفال والكبار ضد نزلات البرد الفيروسيه (ودي اشهر الاصابات) اكبر مده من الوقت .. خاصة مع حالات الحساسيه المزمنه زي حساسية الانف والصدر (ودي اغلب مشاكل الاطفال)

السنه دي وخصوصا مع موجات عدوي الكورونا المتكرره والمختلفه في حدة الاصابه ونوع الاعراض وكمان طرق العلاج….

كانت الاطفال لها الحظ الاوفر في عمليات البحث
وكان السؤال ازاي قدرة الاطفال علي استقبال العدوي والاصابه وكمان حدة الأعراض ؟
وكانت الاجابه ان التطعيمات هي كلمة سر الوقايه والحماية وزيادة الحاله المناعيه للتصدي لاي عدوي ايا كان نوعها ( العيال دي بتتحمل كتير ، الكبار اللي يصيبه هربس بيموت والأطفال كل يوم عندها هربس )

وكان تطعيم الدرن BCG له النصيب الاكبر في حماية الطفل من مضاعفات عدوي الكورونا. ويليه مباشرة تطعيم السنه(الحصبه والحصبه الالمانيه )

التوصيات كلها اتجهت للتأكيد علي تطعيم الاطفال بكل التطعيمات شاملة الاجباريه والاختياريه في بعض الدول …

من ضمن التطعيمات تطعيم الانفلونزا اللي لو نفتكر السنه اللي فاتت نزل متاخر واطعمت الاطفال متاخر في شهر ١٢ … من شهر10 لشهر12 الاطفال كانت بتموت حرفيا نوبات من الالتهاب الرئوي الحاد وارتفاع درجة الحرارة الغير مبرر واللي لا تستجيب لاي خافض …

اللي طفله تعب السنه اللي فاتت عارف يعني ايه موجة سخونيه والالتهاب شعبي ..

ماتسمعوش كلام حد يقولكم ابني اخد المصل وطول السنه عنده برد …

المصل مش هيحمي من الاصابه بالبرد لكن يحمي الطفل من مضاعفات الاصابه .. زي يرشح اه لكن مش هيسخن ولا يكح ، زي انه تجيله كحه لكن مش هيحصل ازمه صدر ونضطر لحجز المستشفي ، زي انه يصاب بالتهاب اللوز لكن مش هتسبب قرح ولا صديد ..
البرد مع طفلك لو بيستمر شهر المصل هيخليه اسبوع واحد.

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *