الرئيسية أخبار تعرفي على أهم التطعيمات لحماية طفلك من الامراض المستوطنة مع د / أحمد السباعي

تعرفي على أهم التطعيمات لحماية طفلك من الامراض المستوطنة مع د / أحمد السباعي

moda 1258
تعرفي على أهم التطعيمات لحماية طفلك من الامراض المستوطنة مع د / أحمد السباعي
واتساب ماسنجر تلجرام

تعرفي على أهم التطعيمات لحماية طفلك من الامراض المستوطنة مع د/ أحمد السباعي

التطعيمات من اهم طرق الحمايه والوقايه من العدوي وتمثل اكتشاف العصر في منع حدوث الوفاه او الاعاقه عند الاطفال
اهمهم طبعا التطعيمات الاجباريه واللي تحمي الاطفال من اهم الامراض المتوطنه

👈 فيروس ب الكبدي اول ٢٤ ساعه من العمر الجرعه الصفريه

👈 الدرن اول ٤ شهور من العمر

👈 شلل الاطفال نقط الفم ،، الانفلونزا البكتيريه ،، الدفتريا ،،السعال الديكي ،، التيتانوس ،،فيروس ب الكبدي والتطعيم الخماسي وده في عمر الشهرين جرعه اولي والاربعه جرعه تانيه وال ٦ شهور جرعه تالته

👈التطعيم الثلاثي عند سنه وسنه ونص بالحصبه والحصبه الالمانيه والنكاف ( والنكاف ضد التهاب الغدد اللعابيه )

👈اضافة للتطعيم الثلاثي في السنه ونصف بياخد جرعه تنشيطيه رابعه من الدفتريا التيتانوس والسعال الديكي وشلل الاطفال

👈 كبسولات فيتامن A والتي تعطي للاطفال اول جرعه مع تطعيم الشهر التاسع بجرعه ١٠٠٠٠٠ وحده ودول كبسولتين من اقراص A viton ومع تطعيم السنه ونص ٤ كبسولات وتكرر كل ٦ شهور لعمر الخمس سنوات .
وده بيحمي الاطفال من العمي الليلي وزيادة حدة الإبصار..

🤔وزي ما التطعيمات الاجباريه مهمه التطعيمات الاضافيه ضروري ولا تقل اهميه عنها .. وده لان خطر الاصابه بالفيروسات و البكتيريا المسببه للمرض لاتقل اهميه عن مخاطر الامراض المتوطنه

اهمها طبعا 👇👇

#الروتا
حمايه للجهاز اهضمي من النزلات المعويه والفيروسيه القاتله حرفيا للاطفال
بداية من الاسبوع السادس من العمر نقدر ناخد اول جرعه والتانيه بعدها بشهرين
حمايه 90%

#المكورات_الرئويه
حمايه للجهاز التنفسي وايضا خلايا المخ من الالتهاب السحائي والتهابات الاذن الوسطي
٤ جرعات ..من الاسبوع السادس من العمر اول التاني بعدها بشهرين التالته بعد شهرين تانيين الرابعه بعد عمر السنه..
حمايه لاتقل عن 85%

#الجديري_المائي
طبعا ده غني عن التعريف الجسم وتغيير شكله باثر الاعراض الجلديه اللي ممكن تظهر نتيجة الاصابه بفيروس الجديري المائي ( واللي هو احد انواع الهربس) واللي معروفه اعراضه بنزلات البرد وظهور الاعراض الجلديه الحبوب المعبيه مايه واللي تبدا في انتشارها باوجه والبطن وتنتشر لباقي اجزاء الجسم
حمايه اكتر من 85%
الجرعه الاولي بعد تطعيم السنه بشهر كامل والجرعه التانبه بعد 6 شهور او مع دخول المدارس يعني 4 ل 6 سنين

#فيروس_A_الكبدي
فيروس يصيب الكبد بالتهاب حاد وتظهر معاه ارتفاع حاد لدرجة الحراره بدون استجابه لاي خافض وايضا ظهور اعراض الصفرا سواء اجلد او العين والبول وطبعا فيها الطفل مكان علاجه المناسب مستشفي الحميات
اه هو يصيب الإنسان مره واحده ف العمر لكن اصابته حاده مش عايزين نقول ان الاصابه به تؤدي للوفاه لكن علي الاقل له اثر زي التهاب الطحال
حكايه اكتر من ٩٠ %
جرعتين الاولي بعد السنه والتانيه بعد 6 شهور من الاولي والافضل مع دخول المدارس يعني من 4 ل 6 سنين

#الالتهاب_السحائي
طبعا ده التهاب للغشاء السحائي وده المبطن لخلايا المخ. والسبب فيروسي ( لانه ممكن يحصل بسبب بكتيري ) ومنتشر عادة في بداية الشتا بين اطفال المدارس .
طبعا اعراضه حاده جدا وعلاجه ديما في الرعايه المركزه مضاعفاته كتير ومركزه في ضعف خلايا المخ والتأثيرعلي القيام بوظائفها ( كمان تؤثر علي المستوي الحركي وكانه جلطه بالمخ) ومستوي السمع واحيانا النظر
حمايه اكتر من 95 %
الجرعه الاولي عند عمر السنتين والتانيه تنشيطيه مع دخول المدارس يعني 4 او ٦ سنوات
واللي اكبر من سنتين ياخد الجرعه الاولي والتانيه بعد 3 ل 6 شهور من الاولي

#التيفود
وده غني عن التعريف .. العدوي عن طريق الماء او الاكل التلوث وخاصة البيض ومنتجات اللحوم والطيور
اصابه الامعاء ومن بعدها عدوي الدم بالميكروب المسبب زي السالمونيلا او التيفي
اعراضه ارتفاع حاد لدرجة الحراره القئ والغثيان الم البطن الاسهال او الامساك.
نوعين من التطعيم
الاول حقن عضلي وده للاطفال اقل من ٦ سنوات يبدا ميعاد التطعيم بعد السنتين جرعه اولي ويكرر كل سنتين او ٣ للاطفال المعرضه العدوي .
الثاني 4 كبسولات فاصل 48 ساعه بي كل كبسوله يعني الجرعه 8 ايام
الحمايه من 85% ل 90%

👈👈👈👈 مصل الانفلونزا الموسميه والاكثر اهميه لكل الاطفال اكبر من ٦ شهور لعمر السنتين ( لانهم اكثر الاطفال عرضه لمضاعفات نزلات البرد)
🎀وده تطعيم اكثر اهميه ل
الأطفال الذين يعانون الأمراض المزمنة (حساسية الصدر ، حساسية الانف، السكري، أمراض الكبد، أمراض الكلى، أمراض الدم، أمراض القلب، حالات نقص المناعة).

وده هنتكلم عنه بالتفصيل الشهر الجاي ميعاد بداية التطعيمات السنويه..

❌❌ موانع التطعيمات

👈الحساسيه من التطعيم او احد مكوناته زي ما كان ممنوع تطعيم الثلاثي مع حساسية البيض لكن مؤخرا اصبح عادي
👈مرضي نقص المناعه يمنع عليهم التطعيم باللقاحات الحيه
👈الاطفال المصابون بامراض تخثر الدم زي الهيموفيليا

👈الاطفال المعرضون للعلاج الكيماوي او الاشعاع

👈الاطفال من ضمن علاجها الكورتيزون لابد من فاصل زمني لايقل عن ١٥ يوم من اخرجرعه للتطعيم

👈الاطفال المصابين الاعراض الحاده لامراض التهاب الاذن او اللوزتين او النزلات المعويه والشعبيه يؤجل التطعيم لحين الشفاء

#مع التطعيم باي حقن عضل يرجي الكمادات البارده او بالتلج مكان التطعيم اول ٤٨ ساعه من التطعيم وده منها لتورم العضله وتاثير الجسم والالتهاب وارتفاع درجات الحراره ودي اهم الاحتياطات

#مش لازم الطفل يسخن كدليل لفعالية التطعيم .. بالعكس مش دليل اطلاقا واطفال كتير تتطعم من غير اي اعراض

#اول ٤٨ ساعه من التطعيم الاهم الطفل يرضع او ياكل وينام . ده السبيل الوحيد لتجنب اي مضاعفات وطبعا هنتابع الحراره وكمان سرعة التنفس واعراض الحساسيه من التطعيم .

#قبل اي تطعيم خاصة لو جرعه تنشيطيه لازم نتاكد من الفاصل الزمني المناسب .. زي مثلا

👌الروتا مش قبل ٦ اسابيع من العمر ومش اقل من ٦ اسابيع فاصل بين الجرعتين ويعطي بعد التطعيم الاجباري باسبوعين او قباه باسبوعين او في نفس اليوم في خلال ١٢ ساعه من التطعيم..

👌شلل الاطفال اي جرعه تنشيطيه مش قبل ٢٨ يوم من الجرعه السابقه

👌التطعيم الثلاثي الحصبه وو الجرعه تنشيطيه مش قبل ٦ شهور من الجرعه الاولي

👌الخماسي مش قبل مرور ٦٠ يوم فاصل بين الجرعات.

#اطفال_كلينيك_د_احمد_السباعي

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *