الرئيسية أخبار تميز وابداع مع جمع أقوى الشيفات (مفاجيع دوت كرش)

تميز وابداع مع جمع أقوى الشيفات (مفاجيع دوت كرش)

ahmed-hefny 2420
تميز وابداع مع جمع أقوى الشيفات (مفاجيع دوت كرش)
واتساب ماسنجر تلجرام

كتبت/ هبه سيد

مع جمعهم تميز وابداع في تنفيذ أشهى وأجمل وصفات الطبخ قاموا بتأسيس جروب بمسمى يدعو للبسمة والتفاؤل والفكاهة ما يتميز به الشعب المصري ليأكدوا مدى النجاح في قدرتهم على ادخال السرور بوصفاتهم الشهية من الحلو والحادق تجمعوا وجمعوا أقوى وأفضل الشيفات في مصر لكي يفيدوا البعض بخبراتهم القوية ويفيدوا المجتمع المصرى .

وهم شيف رشا أيمن ،،،، شيف سمر يحيي ،،،،شيف نونا الحسنين ،،،،شيف عرفة

قدموا أربع وصفات من ألذ وصفاتهم

أول وصفة تورتة السلطة

تورتة طبقات السلطة من ألذ وأجمل سيمفونيات مطبخي ومبهجة جداً للعين وفخمه للتقديم في العزايم ولأسرتك وأحبابك وكنز من الفيتامينات

👩‍🍳الطبقات من الأسفل للأعلى :

طبقه1
🌿🌿🌿
بطاطس مسلوقه رشيت عليها كمون وملح خفيف وفلفل اسود وعليها ربع فنجال من الزبادي والمايونيز وربع ملعقه ثوم وخلطتها بجزر مفروم وحطيتها في قاع القالب المتحرك الجوانب .

طبقة 2
🌿🌿🌿
ربع فنجال من صوص الزبادي بالمايونيز والثوم.خفقت الزبادي مع المايونيز ورشه من الفلفل الاسود وربع ملعقة ثوم مهروس .

طبقه 3
🌿🌿🌿
شرائح.توست محمص .

طبقه 4
🌿🌿🌿
مفروم الكرنب الأحمر مع رشه زيت زيتون وملح

طبقة5
🌿🌿🌿
خلطة لبنه مع زيتون شرائح وقليل من النعناع المفروم

طبقه6
🌿🌿🌿
تنويعه من الخضروات زينت بيها الوجه وقليل من صوص الثوم بالمايونيز

👩‍🍳تترك في الثلاجه ليله كامله أو 4ساعات على الأقل .
وتقدم كوجبه متكاملة غنيه مفيده وايضاً رائعه الطعم والجمال
و ألف صحه وهنا وعافيه

 

ثاني وصفة:تشيز كيك شوكولاته بومب

طبقة البسكوت… 💜
٢٥٠ جم بسكوت دايجستف مطحون
١٢٠ جم زبده سايحه.
نضربهم مع بعض في الكيتش ماشين
و نرص الطبقه في قالب كيك بيتفتح من الجنب…
احط القالب في التلاجه ساعه… 🕒 🕒

طبقة الجبنه…❤️
٢٥٠ جبنه كيري أو مسكربون
٤٠٠ مل كريمة خفق سايله
سكر مطحون نص كوب
٣ م. ك نوتيلا 🍫
٢ م. ك كاكاو خام
١٠ جم جيلاتين دايب في ١٠٠مللي ماء دافئ….

بضرب الكريمه ال سايله لحد ما تعمل كريمه و انزل بالسكر و الجبنه و اضرب و بعد كده انزل ب الكاكاو و النوتيلا  و في الاخر انزل بخليط الجيلاتين و ن ميكس
و ع التلاجه بقا ااااااا ٣ ساعات

و زينتها ب فيريرو روشيه
و كواليتي ستريت
و ميني مالتيزرز و تويكس و جالاكسي..

ثالث وصفة : الفراخ بالزبادى
الاول هنبهر دبابيس الوراك ب ملح وفلفل وزنجبيل وقرفه وزعتر و ببريكا و بصل بودر وتوم بودر ونقلبها كويس فى البهارات دى و ندهن الفراخ بالمسترده خفيف وندلكها كويس
و ننزل فى طاسه عميقه شويه وكبيره فيها زبده او سمنه بلدى مع شويه زيت زيتون و نديها صدمه وتاخد لون حلو
وفى بوله هنقلب زبادى و ميه بصل بدون تفل و زعتر وخل نقلبهم كويس اووى لحد ما الزبادى تفك ويبقى صوص
وننزل بصوص الزبادى على دبابيس الفراخ ونسويها فيه بس من غير ما نغطى الطاسه علشان يفضل الجلد بتاعها كرسبى وميطراش
ومننساش بعد تمام التسويه هنصفى الدهون اللى نزلت من الفراخ و نعمل فحمه ونطفيها بيها لاضافه نكهه الشوى
جربوها هتعجبهم كتييير واكيد من ايديكم هتكون احلى واطعم

رابع وصفة:كيكة النسكافيه في 3 خطوات سهلة وبسيطة
🍰🍰🍰🍰
المقادير
🍰🍰🍰:
– 2 كوب دقيق،
1/2 كوب حليب سائل
– 1/2 كوب زبدة،
2 بيضة
– 1 كوب سكر
، 4 ملعقة صغيرة نسكافيه
– 2 ملعقة كبيرة بايكنغ باودر،
فانيلا
🍰🍰🍰🍰🍰
طريقة التحضير :
🍰🍰🍰🍰🍰
نخلط البيض مع الحليب، الزبدة، السكر، الفانيليا والنسكافيه جيداً فى الخلاط او بالمضرب الكهرباء.
يخلط الدقيق مع البيكنج بودر ويصب عليه الخليط السائل ويحرك بالملعقة
تدهن صينية متوسطة الحجم مقاس بالزبدة ويصب الخليط وتوضع الصينية في فرن ساخن على حرارة 180 درجة حرارة وسط ونراقب سواها كل واحد على حسب الفرن بتاعة
اما طلعت من الفرن سيحت باكيت شيكولاتة. جالاكسى مع معلقتين نسكافيه (اختيارى) مع ربع كوب كريمة سائلة كريمة خفق چهينة وصبيتها على الكيك وزينته بعين الجمل وبألف هنا
وهتاكلوا احلى كيكة نسكافيه هتظبط مودكم طول اليوم

 

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *