تورته الفانيليا بخامات موفرة

تورتة بخامات موفرة مقدمة من الشيف / هدير علام نص.
Article rating: out of 5 with ratings

تورته الفانيليا بخامات موفرة

تورتة بخامات موفرة مقدمة من الشيف / هدير علام نص...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

تورته الفانيليا بخامات موفرة

23 أكتوبر، 2020, 12:02 م
397
تورته الفانيليا بخامات موفرة
طباعة

تورتة بخامات موفرة مقدمة من الشيف / هدير علام
نص ك دقيق اسبونچ من محل مستلزمات الحلويات
“دقيق الاسبونج بيكون فيه السكر والبودر وكل حاجه “
٦ بيضات
معلقتين صغيرين فانيليا سائله لازم سائله
نص كوب ماء دافى
معلقه صغيره محسن كيك جيل اوو معلقه كبيره خل ” انا بفضل المحسن وبنجيبه من مستلزمات الحلويات برده “
بس كده ده مكونات الكيك
هنجيب البيض والفانيليا والمحسن والميه وبالمضرب الكهربا أو العجان نضرب مده لاتقل عن عشر دقائق لحد مالون البيض يفتح خالص وحجمه يتضاعف .. نجيب الدقيق ننخله ونحطه ع البيض ونضرب تانى مالايقل عن عشر دقائق لحد ما اللون يتحول ابيض وبس كده نجيب صينيه مقاس ٢٠ أو ٢٢ بالكتير وتكون الحواف عاليه بزياده نبطنها زيت وورق زبده وع وش ورق الزبده فرشه زيت كمان .. نسخن الفرن ع ١٨٠ وندخل الكيك لمده من ٣٠ ل ٣٥ حسب درجه حراره الفرن بتاعنا نطفى نسبها جوه خمس دقائق ونطلع تبرد تماما قبل مانقلبها ونشيل ورق الزبده ويفضل مانزينهاش الا تانى يوم او بعد ٦ ساعات ع الأقل .. هنقسم الكيك بتاعنا لتلات أو أربع ديسكات حسب الرغبه ونبدأ نحشيه كريم شانتيه وأما نخلص الطبقات كلها نغلف الكيك كله كريمه وع الوش نعمل الروزتات والجوانب زينتها بجوز هند وع الوش كريز مسكر
طيب طريقه الشانتيه ايه ؟ 👇👇
الكيكايه دى اخدت ربع ك كريم شانتيه خام
الربع شانتيه اخد 👇👇
كوب ونص لبن متلج وكوب الاربع سكر بودره وانا بزود معلقه صغيره فانيليا سائله بتدى طعم جميل واضرب بقى كله لحد ماناخد قوام الشانتيه ويفضل نشيله فى التلاجه نصايه قبل مانشتغل بيه … ناخد بالنا نزود اللبن بالتدريج وممكن نحتاج أقل او اكتر حسب خامه الشانتيه
تعالو بقى اقولكوا تركه حلوه اوى بتفرق فى الطعم … لازم الكيك قبل مانحشى الطبقات نسقيه يااما بسيرب خفيف او عصير كنبوت أو حليب انا هنا سقيته بكوب حليب مضروب بنص باكو ايس كريم ڤانيليا دريم مش قادره اقولكوا اداله طعم مميز ازاااى 🥰🥰🥰⁦❤️⁩
طبعا نقدر نحشى الطبقات قطع كنبوت أو فاكهه مع الشانتيه واستبدال جوز الهند بشيكولا بيضا او مكسرات واستبدال الكريز باى نوع فاكهه …
بعد مانخلصها نشيلها فى التلاجه ليله كامله او ٦ ساعات ع الأقل قبل التقديم 🥰
انا هنا حاولت اطلع تورتايه بأقل الخامات وحقيقى الطعم جميل وكفت ١٠ أشخاص قطع كبيره وتكلفه لاتذكر مقارنه بأسعار التورتات 🥰🥰

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات