حــــــــــكـــــــايــــــــه مــــــــــبدعـــــــه

كتبت : داليا طه

“رصــــد الــوطن”

لكل فنان أو مصمم ليه حكايه او قصه بتبقي هى البدايه لكل إبداع جميل . ممكن تكون قصه حزينه خلتها تتحدي كل شئ وتصمم أنها تكمل وأحسن من الأول .وممكن كانت لحظه إبداع ابهرت اللى حواليها وشجعوها أنها تكمل المشوار وفعلا نجحت وعملت اسم ليها .

حكايتنا النهارده حكايه حتحكيها مصممه مناسبات وحفلات الاطفال وكملت بوسائل تعليميه تفيد الأطفال.
انها المبدعه والمصممه منى هشام حتحكيلنا بدأت ابداعها ازاى .

في البدايه كنت بعمل زينه لعيد ميلاد ابنى ولما قرايبي والمعارف شافوها اعجبوا جداا بيها وشجعونى على فكره انى اعمل جروب على الفيسبوك واعمل زينه للمناسبات والافراح وحفلات التخرج وبالفعل عملته

وابتديت في شغلى واستمتعت جداا بيه ولكن طول الوقت وانا بشتغل بقول عايزه اعمل حاجه ليها هدف اكتر وتنفع وتفيد بجد لحد ما لاقيت صور للكوايت بوك ولما شفتها قولت اكيد هاقدر اعملها واجربها مع ابني وفعلا عملته وعجب ابنى جداا وتفاعل معاها وهو مستمتع جداا بيه واكتسب معلومات ومهارات بسهوله ويسر بدل الحفظ والتلقين وكم المعلومات بدون تفاعل وبدون تنميه اى مهارات وبما انى بعمل شغل زينه للمناسبات وعندى فعلا جروب قولت ليه ما اعرضهاش على الجروب وافيد الامهات واصحاب الحضانات ومراكز التخاطب

وبالفعل سوقتها عن طريق جروبي وابتدت الطلبات عليها وردود فعل حلوه جداا وقولت لازم اتطور من الكتاب واعمل حاجه تميزنى وتميز شغلى انا وعملت الكتاب بتصميمات لأشكال كرتونيه تناسب الأولاد والبنات وتشد الاطفال وتربطهم اكتر بلعبتهم اللى هايلعبوا ويتعلموا منها ولولا وقوف جوزى ودعمه ليه مكنتش هاقدر اعمل مشروعي ده لانه اول من شجعنى وصدق موهبتي وفكرة مشروعي للأطفال وبيساعدني كتير في كل خطوه جديده بطور فيها من نفسي ومازلت ابحث عن ما يميزنى عن غيري واقدم كل ما هو جديد ومختلف ومفيد للأطفال وللأمهات لتيسير العمليه التعليميه في مراحل التعليم الأولى للأطفال بشكل يحترم عقولهم وانسانيتهم ويساعد على تنميه مهاراتهم المختلفه سواء الحسيه او البصريه او العضليه وتمنيه المهارات اليوميه لزياده اعتمادهم على نفسهم وثقتهم بنفسهم

واتمنى انى انشر الفكره اكتر واكتر واساعد في تعليم الأمهات طريقه عمل الكوايت بوك او حتى نشاط واحد يعلموا بيه اولادهم ويشغلوا وقتهم بشئ مفيد بدل الاجهزه الألكترونيه والتلفزيون اللى بيضرهم خصوصا في مراحل عمرهم الأولى ودى صور لتصميماتي للكتب والأنشطه التفاعليه على نهج المنتسوري