الرئيسية المرأة حملة عايزة اخس

حملة عايزة اخس

moda 2288
حملة عايزة اخس
واتساب ماسنجر تلجرام
بقلم سماح كمال
“رصـــد الــوطــن”

فى المرات السابقه اتكلمنا عن الاسباب اللى المفروض نخس عشانها واتكلمنا ازاى نحدد هدفنا وازاى نبداء النهارده هنتكلم عن انواع الانظمه الغذائيه وازاى نختار النظام المناسب لكل واحد فينا
اولا- مهم جدا نعرف حاجه مهمه جدا ان مافيش واجبه مش مهمه
يعنى مينفعش تلغى وجبه فى اليوم
وتقولى انا مش هفطر ولا هتعشى عشان اخس اسرع
الطريقه دى غلط جدا لان ببساطه جسمنا زى العربيه بالظبط عمره ما هيمشى غير لما يطحط ليه بنزين
الجسم كده بالظبط مش هيحرق غير بالأكل ومش اى أكل لازم يكون أكل صحى والتزم بالمواعيد
ثانيا -هتعمد على حاجه مهمه جدا جدا فى نظامى الغذائى وهى انى اقسم الواجبات بتاعتى يعنى الفطار اقسمه على مرتين والغداء نفس الموضوع حتى العشاء
وده لسبب مهم جدا وهو انى ابداء اصغر حجم المعده عشان بعد لما اخلص الرجيم وابداء اكل اللى نفسى فين هلاقى نفسي هاكل من كل حاجه كميات قليله وعمر جسمى ما يرجع يزيد تانى
ثالثا- ابعد تماما عن الانظمه الغذائيه اللى هى بتعتمد على الغاء اى نوع من انواع الاطعمه واعتمد على نوع واحد
زى مثلا الناس اللى بتخللى الاكل كله فاكهه او امنع النشويات والدهون تماما
يعنى نظام الاكل بتاعى لازم يكون معتمد على الهرم الغذائى
وابعد فقط عن السمموم البيضاء
اللى هى ) السكر -الملح -الدقيق الابيض)
رابعا- ابداء احسب السعرات الحراريه الى جسمى محتاجها ودى بتتحسب بطرق ومعادلات كتتير جدا وعشان اسهلها عليكى
(احسبى وزنكx ٢٠)-٥٠٠هيديكى السعرات بتاعتك

مثلا  لو وزنك ١٠٠ك
(١٠٠x٢٠)-٥٠٠=١٥٠٠سعر وهكذا
وكل لما انزل وزن ابداء اغير السعرات بتاعتى
ومن الحاجات المهمه برضو
متنسيش الوجبه المفتوحه لانها بتنشط عمليه حرق الجسم
وده نظام بسيط تبداءى. بيه ويناسب وزن من ١٠٠ك الىً٨٠ ك مع احتساب السعرات الحراريه

الفطار

٥ معالق فول مع السلاطه مع قطعه جبنه قريش مع شاى بلبن او نسكافيه. بلبن خالى الدسم
او ٢بيض مسلوقه مع نص رغيف بلدى مع ٢خيار. مع الشاى او قهوه
وبعدها بساعه كوب قهوه خضراء
بعدها بساعه ثمره فاكهه وكوب شاى اخضر
اوعى تنسى الميه

الغداء

بروتين (٢ق لحمه متوسطه -٢سمك مشوى متوسط -١/٤فرخه -٣بيضات -٥معالق فول -١/٣كوب فاصوليا بيضاء او لوبيا -سلطنيه شوربه عدس)
لكى اى اختيار منهم
النشويات (٥معالق ارز. او مكرونه مسلوقي-ربع رغيف-رغيف سن -١بطاطس متوسطه مسلوقه او مقليه فى الفرن -١/٣كوب شوفان )
الخضروات(طبق سلاطه متوسط +شوربه خضار )
عندك. اختيارات كتتير وسهل انك تعملى كل الاكلات بشكل صحى
وياربت تقسمى الوجبات على مرتين
يعنى تاخدى نصف البروتين مع السلاطه والخضار
وبعدها بساعه نصف البروتين مع النشويات
وبعدها بساعه كوب شاى اخضر

العشاء

كوب لبن خالى الدسم مع ٦ حبات لوز نى
او. بيضه مساوقه مع كوب لبن خالى الدسم
او ٥٠ جرام جبنه قريش مع بيضه مسلوقه مع ٢خيار
اوعى تنسي ٣ لتر ميه على الاقل فى اليوم

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *