الرئيسية اخبار عاجلة خلية النحل الشهية مقدمة من شيف هدير علام

خلية النحل الشهية مقدمة من شيف هدير علام

moda 1430
خلية النحل الشهية مقدمة من شيف هدير علام
واتساب ماسنجر تلجرام

خليه نحل

بمكونات بسيطه جدا بس النتيجه هتعجبكم جداااا وممكن تحشوها حلو او حادق

المقادير /

3كوب دقيق

علبه زبادى 110جرام

معلقه كبيره خميره فوريه

معلقه كبيره سكر

معلقه كبيره خل ابيض

ربع كوب زيت

رشه ملح

ماء دافى للعجن

الخطوات /

هنجيب بوله نحط الخميره والسكر ونص كوب ماء دافى نقلب كويس ونغطيها 10 دقائق

بعد كده هنضيف الزيت والزبادى والخل ونقلب سريعا ونضيف الدقيق ورشه الملح ونبدأ نلم العجينه .. لاقيناها محتاجه ميه هنزود حبه صغيرين ونبدأ نعجن مالايقل عن عشر دقائق لحد ماناخد عجينه طريه جداا ملساء نغطيها تخمر حسب الجو المهم تتضاعف بعد كده هنقسمها كور متساويه ونحشيها اى حشوه انا حشيتها شيدر أو جبنه وزتون وحبه بركه هنجيب صينيه مرشوشه دقيق ونرص الكور دائرى جنب بعض

نبدا بواحده فى النص ونبدأ نلف حواليها لحد مانخلص الكميه ونحاول يكون مقاس الصينيه كويسه بحيث تتملى وتعمل شكل حلو ساعه التقديم نغطيها بفوطه نضيفه نسيبها تخمر تانى بعد كده ندهن وشها بسائل التلميع الخطير بتاعنا نص معلقه نسكافيه بلاك ندوبها فى معلقه كبيره لبن نقلب وننزل بصفار بيضه نقلب كله ونلمع الوش ونرش حبه البركه أو سمسم وندخل فرن سخن على 200 لحد ماتستوى وافتحوا الشوايه اخر خمس دقائق تاخد لون حلو من فوق واول متطلع نغطيها خمس دقائق بفوطه نضيفه وبس كده وبالهنا والشفا

اهم حاجه التخمير مرتين متنسووووش والخل هايخليها هشه ولونها فاتح ومش هيبان نهائى فى الطعم

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *