روشتة المناعة وكيفية حماية طفلك من نزلات البرد

🌀🌀🌀روشتة المناعه وازاي نحمي أطفالنا من العدوي نزلات البرد ومن.
Article rating: out of 5 with ratings

روشتة المناعة وكيفية حماية طفلك من نزلات البرد

🌀🌀🌀روشتة المناعه وازاي نحمي أطفالنا من العدوي نزلات البرد ومن...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

روشتة المناعة وكيفية حماية طفلك من نزلات البرد

25 نوفمبر، 2020, 11:52 م
398
روشتة المناعة وكيفية حماية طفلك من نزلات البرد
طباعة

🌀🌀🌀روشتة المناعه وازاي نحمي أطفالنا من العدوي نزلات البرد ومن الكحه ، التهاب الحلق والهربس اللي كل يوم عنده قرح في الفم وسخونيه مابتنزلش . ابني مابيلحقش يخف ويتعب تاني. سيلان لعاب وانف مفتوح مع النوم ، انسداد انف ومعاه زكام وصوته اتغير ( اخنف ) وكمان بتجيله كحه بصوت مبحوح ، ضيق التنفس والنهجان وازمات حساسية الصدر وقت الفجر .. التهابات اللوز المتكرره وايضا تورم والتهاب الغدد الليمفاويه 🌀🌀🌀

الكل مستني يشوف روشته عليها أدوية مكتوبه وادي كذا وكذا وكذا .. وكمان الجديد عسل علي الريق وقرفه علي المايه وحاجات تانيه غريبه وصلت لان بعض الناس بتفكر ان الكمون بيرفع المناعه .

👓الحقيقة ده غلط كل الناس بتقع فيهاوالأمهات بيفتكرو انهم كده عملو اللي عليهم وزيادة .. وان عدم استجابة الطفل للعلاج او اصابته بالعدوي ديما مشكله عند الطفل وتبدأ رحلة اللف علي الدكاتره بطفلها المسكين اللي ديما تعبان ..

# قبل اي حاجه وقبل اي قرار لازم نعرف فعلا هل طفلي

عنده نقص مناعي ( ودي مشكله كبيره )

ولا عنده ضعف مناعي ( ودي الاطفال الحامله للامراض زي الامراض الوراثيه او امراض الحساسيه )

ولا ده طفل عادي جدا زي كل الاطفال معرض للاصابه عند تعرضه للعدوي .. سواء المباشره من الاشخاص المصابه او المؤثرات الخارجيه زي التراب والدخان والاكلات المسببه للحساسيه

مش معني اننا نهتم بالطفل ١٠ ايام من كل شهر ناخد فيهم شوية دوا الاميولانت( خلاصة الزعتر ) او برونكوفاكسوم( اللي خلاص المصل احسن منه) او اننا ناخد علبتين من فاتح الشهيه كده يبقا خلاص انا صنعت هيرو ف البيت وينزل البسين والمايه بارده ف نص الليل .. لا ابدا

👬 الطفل في مراحل النمو واللي بتبدا من اول يوم ف العمر الاهتمام الاول ☄التغذيه☄
وبعدها متابعه عوامل النمو الاساسيه ( الطول الوزن والتطور الذهني)

📝وبناءا علي الحاله العامه للاطفال ومع تعرضهم لاول موجة برد ( زي اللي حصل من اسبوع ) اصيب كل الاطفال ولم ينفعهم اي دوا


الوقوف علي التشخيص السليم لكل طفل حسب حالته، الاطمئنان بشكل دوري (سنويا علي الاقل) علي حالة الصحيه من خلال الفحوصات اللازمه زي
🕧 صورة الدم.. CBC
🕧سرعة الترسيب ESR مع الاطفال متكرر معاها العدوي.. 🕧الكالسيومCa خاصة مع الاطفال االي شكوتها ديما بحة الصوت او الكحه الحنجريه ..
دي العوامل الرئيسيه لمتابعه نمو وتقييم مناعه الطفل في كل المراحل

مش معني الكلام ده اننا مانقدرش نحمي اطفالنا ولا نقدر نساعدهم في بناء جهاز مناعي سليم خالي من الامراض وحاله صحيه خاليه من الازمات

احنا ممكن نعمل أكتر من كده ويكون عندنا طفل سليم تماما وبس تجيله نزلة برد مره او اتنين طول فترة الشتا

ازاي نرفع مناعة اطفالنا !!!!

🚫 علشان نقلل مرض اولادنا فيه سبل وقائية كتيره وطرق بتزيد من مناعة اطفالنا ضد الامراض وخاصة الأمراض المرتبطة بالبيئة المحيطة وهنتكلم النهارده عن اول واهم طريق اقدر من خلاله ارفع مناعة طفلي :

🚫 ( الادوية والمناعة )
اكتر حاجه بتفيد وتضر مناعة اطفالنا هيه الادويه اللي لو استخدمناها صح تساعدنا نوصل لاقوي مناعة ولو استخدمت خطأ وباسراف تدمر مناعة اطفالنا وعلشان كده فيه اساسيات لازم كلنا نعرفها علشان نرفع مناعة اطفالنا .

*التشخيص والعلاج الصحيح
اللي الصراحة يعتبر في رأيي اهم عنصر لرفع مناعة الطفل وضروري جدا جدا

كل طفل في اي دور تعب يتشخص صح

وياخد علاجه صح وكامل(مهم جدا نكمل كورس العلاج) عشان مايتكررش نفس الدور ونرجع نلوم مناعة اطفالنا

كل أم تمنع اعطاء اي أدوية بدون الرجوع للطبيب المعالج خاصة المضاد الحيوي والكورتيزون

ولازم تعرف كويس ايه الأدوية اللي تستخدمها ومفيش منها ضرر

و تعرف اساسيات التعامل مع ادوار المرض الاساسيه من سخونية ، برد، اسهال….

وتعرف امته الطفل محتاج فحص عاجل ومينفعشي نتأخر في الكشف عليه

و لازم تعرف أن لكل مرض تطوره ودورته فبلاش تستعجل الشفاء وتستعجل تغيير الأدوية واعطاء مزيد منها وان شاء الله الطفل يخف ويكون كويس

لازم كل أم تعرف أن الأدوية في الاول والاخر مواد كيميائية واستخدامها دون رابط او بافراط يؤدي إلي حدوث أعراضها الجانبية فبلاش نكتر من استخدامها ونستسهل

ياريت نطمن كل فترة بالفحص الطبي والتحاليل .

معرفة الأدوية التي تؤثر علي صحة اطفالنا سواء كان السبب حدوث حساسية منها أو تسببها في اي مشكلة مرضية والبعد التام عنها وإبلاغ اي طبيب بها حتي لايتم كتابتها .

عرفنا كل ده وان كل طفل له حالته الخاصه وان كل عرض له تشخيصه الخاص وعلاجه الخاص… ايه بقا اللي المفروض نعمله عشان نحافظ علي اطفالنا من الاصابه او علي الاقل تزيد قدرتهم على مقاومة العدوي..

#١ التغذيه العامل الاساسي للنمو . وزيادة قدرة الطفل علي مقاومة الامراض
الاهتمام بالرضاعه للاطفال اقل من ٦ شهور خاصة الرضاعه الليليه اكثر اوقات الاصابه هي الليل عشان كده لازم نطمن ان الطفل بيرضع كويس لانها مصدر الدفئ والشبع …
🌀 الرضاعه الطبيعي خط مناعي اول للطفل اللبن الطبيعي يتغير حسب حالة الطفل واحتياجه من خلال اشارات عصبيه خاصة بالصدر يستقبلها من لعاب الطفل في حالة مرضه ويكون اللبن مصدر لامداد الطفل بالاجسام المضاده لمقاومة العدوي

🌀قبل تمام الشهر الرابع ممنوع ادخال اي نوع من الاطعمه غير اللبن الطبيعي او اللبن الصناعي حتي الاعشاب ممنوع

🌀بعد تمام الرابع يمكن ادخال بعض الوجبات الغير مسببه للحساسيه بشرط الطفل يصلب راسه ووزنه اكبرمن ٦ كيلو وعدم وجود اعراض للحساسيه زي الارتجاع.

🌀 بداية من الشهر السادس الي جانب الرضاعه تقديم عدد وجبات لاتقل عن ٣ مرات يوميا يتنوع بين #البروتين زي الزبادي او الفراخ او بعض البقوليات #الحبوب الكامله زي الشوفان والارز والقمح #الفواكه واهمها مضادات الأكسدة زي التفاح الاخضر والكيوي والرومان

خدي بالك متابعة اعراض الحساسيه مع كل نوع اكل جديد بنقدمه اهم حاجه

اطفال اكبر من سنه 5 وجبات يوميا 3 وجبات يوميا نهتم فيهم بالتنوع وانتظام مواعيد تقديم الوجبه

اطفال الحضانات والمدارس 5 وجبات

مفيش نزول من غير فطار ( بياض البيض او معلقة فول مع كوب اللبن او العصير)
سناكس البريك ( النوتيلا ، الزبادي ، المربي ، الحلاوه . اضافة للفاكهه )
الغدا وده مهم فيه انواع
..النشويات الازر ، المكرونه ، والمحشي
..البروتين اللحم المفروم اسهل للاطفال، الفراخ ، السمك واهم أنواعه التونه السردين السلامون والمكاريل
..الخضار والاهم فيه البقوليات يعني بلاش صينيةالبطاطس
وجبه تانيه بعد ٤ ساعات من نفس نوع الغدا
سناكس اخير من الفواكه ، البليله بالمكسرات(اوميجا 3)، البطاطس المقلية. البيتزا او غيرها من اللي يختاره الطفل
البروتين وهو اهم انواع الاكل اللي ممكن نقدمه للطفل .. المصدر الاغني علي الاطلاق بكل المكملات الغذائية خاصة الفيتامينات المعقده ( الحديد الزنك فيتامن B )

الاهتمام بانواع الاطعمه الغنيه بفيتامن C خاصة لاطفال حساسية و نزيف الانف وجفاف البشره وضعف الاظافر زي البرتقال واضافة الليمون علي الاكل والخضروات الطازجه

الاطعمه الغنيه بمضادات الاكسده زي كل نوع لونه احمر او برتقالي التوت الكرز الطماطم الفلفل البطاطا والشاي

الاطعمه الغنيه بالكالسيوم اللوز التين التمر الصويا والبقوليات .. كمان البروكلي ، الباميه ، اللفت ، الخوخ وجوز الهند .. السردين والجمبري

الاطعمه الغنيه بالاوميجا 3

كميه كافيه من الماء بعد كل وجبه حسب عمر الطفل

الرضع بعد الوجبات من 50 ل 150 مل من الماء النظيف
اكبر من سنه حسب الحاجه لكن بنسب لاتزيد عن عدد الوجبات
150 مل من اي نوع عصير هو المسموح فقط للطفل حتي عمر ٦ سنوات مره واحده في اليوم

مساءا_ممنوع

اللبن . الصويا . الشيكولاته ، المواد الحافظه، السمك ، البيض ، السبايسي ، الاكل المطبوخ خاصة لاطفال الحساسيه

استخدام سبل الوقايه الكامله للامراض المزمنه حسب توصيات الطبيب المعالج مثال ؛
حساسية الصدر لازم نبعد عن مسبباتها وعلي حسب درجتها بيكون علاجها مسببات حساسية الصدر والازمات هي التعرض لنزلات البرد ومضاعفاتها او التعرض للمؤثرات الخارجيه التراب الدخان الحيوانات زي القطط التعرض لحبوب اللقاح ف التغيير الموسمي وكمان الاكل الغير مناسب زي اطفال حساسية الطعام من اللبن وباقي الاطعمه

وعلاجاتها الوقائيه المعروفه من البخاخ الموسع للشعب والكورتيزون الموضعي( السيرتايد . السيمبكورت ) واكياس السنجولير او الليبيل وده من اول بداية موسم الشتا لانتهاؤه سواء في ازمات او لا .. طالما التشخيص بحساسية الصدر لازم ناخد العلاج الوقائي
جلسات النبيولايزر الحل الامثل والافضل لكل ازمات التنفس .. بدون اثار جانبيه ، بدون اجهاد دوائي ، علاج فوري ومؤثر ومنقذ في حالات الطوارئ خاصة جلسات الادرينالين في حالات الالتهاب الحنجرب

معلومه خاصة لاطفال حساسية الصدر المفروض اننالو تشخيصنا سليم وطرق علاجنا والوقايه حسب التوصيات العالميه كل سنه اكبر نكون احسن من السنه اللي قبلها عشان كده بنقول ان حساسية الاطفال 50% من الأطفال المصابه ينتهي اعراضها مع السنه الخامسه من العمر 40% عند ٨ سنين .. 10%فقط تستمر معهم اعراض الحساسيه لاخر العمر( ودي اطفال بتاخد علاج غير مناسب )

اعطاء التطعيمات الاضافيه أصبح الآن ضرورة لكثرة انتشار الأمراض زي الروتا والمكورات الرئويه الجديري المائي والالتهاب السحائي
و الاهم تطعيم الانفلونزا الموسمي اللي علي الاقل نطعمه كل عام اجباري
بالتطعيمات نقدر نحمي اطفالنا بنسبه لاتقل عن 70% من الاصابه بالامراض المعروفه

علاج اي مشكلة مرضية بالطفل حتي لاتؤثر علي مناعته مثال ؛ الانيميا والتي تجعل اطفالنا عرضه أكثر لاي ميكروب أو بكتيريا ، علاج حساسية الأنف حتي لاتؤثر علي الاذن او الصدر …..وهكذا

داحمدقاسم

اطفالكلينيكداحمدالسباعي

إرسل لصديق

الوسوم :
  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات