الرئيسية أدب صمتك المنطوق

صمتك المنطوق

moda 393
صمتك المنطوق
واتساب ماسنجر تلجرام

الشاعر/وائل سويدان

ماانتش رقم
ولا إسم ع الهامش
ولا ليله وقعت
من نتيجة شوق
انا باعترفلك
قلبى عاش طايش
ولما شافك وجد
ملكهُ التوق
واما دعاكى
الشعر نتناقش
رجعلى باكى
قال ياشاعر فوق
أنا
على جسر الحنين عايش
وإنتِ قوامك
من ضيا ممشوق
لوتاخدى عمرى وبسمتى
غوايش
هاقول عليهم طُهرى
عقد وطوق
وأشهد بإنى
للجمال مخلوق
وأشهد بإنك
من غناوى شروق
ياناسجه
شعر الكون على نولك
ازاى ينولك
فـِ الورق مخلوق
حاسس بعجزى
كل مابأقولك
ياسارقه
حرفى منى عافيه وذوق
يابادره روحك
عارفه لو أطولك
هأروى ملامحك
من حنينى وأدوق
تعبت
من عقلك ومعقولك
ملينى حسنك
صمتك المنطوق

ســــــــ وائل ــويدان

اترك تعليقا

لن يتم نشر عنوان بريدك الإلكتروني.