طالب يستغيث بالسيد رئيس الوزراء والسيد وزير الصحه ووكيل الوزاره بالاسكندرية رسالة يوسف جريدة رصد الوطن

كتب:رضا بدير

رسالة يوسف  جريدة رصد الوطن
انا يوسف من اسكندريه طالب بكلية حقوق طلع عندي حصاوي رمليه علي المراره رحت كشفت في مستشفي طلبة الجامعة قالوا لازم تشيل المرارة وتم تحديد ميعاد العملية يوم 26/6 رحت وعملت العملية وبعدها ب3 ايام خرجت من المستشفي وروحت بعديها بيومان علشان اغير علي الجرح في المستشفي لقوا عندي صديد في الجرح ولما قاموا بتنضيف الصديد نزلت عصاره صفرويه من الكبد كل ده بسبب ان الدكتور وهو بيشيل المراره قطع القناه المرارية من 5 الي7 سم فا الدكتور حب يصلح الخطا اللي عمله دخلني عمليات تاني في يوم وقفه عيد الفطر مضي اهلي على انه هيعمل تنظيف وخياطه الكبد لكن الدكتور عرف انه قطع القناه المراريه راح عامل توصيله من الكبد للمعده والتحويله فشلت لانه مش من اختصاصه وقعت في غيبوبه وبعدين في رابع يوم العيد كان يوم سبت لقيت 5 استشارين بيكشفوا عليا وبيقولوا هندخلك عمليات بكره اهلي شكوا لما كل الدكاتره ديه بتكشف عليا راحوا اخدو الاشاعات والتحليل وطلعوا عند اكتر من دكتور كل واحد يقولهم ابنكم بيموت وحالته اكبر مني حتي مستشفي القوات المسلحه رفضت تاخدني قالوا احنا مش بنتحمل أخطأ غيرنا لحد لم في دكتور في استاذ في كلية طب وافق يعالجني وطلب اني اخرج من مستشفي الجامعة وما اعملش العملية لاني لو عملتها كان زماني ميت لان كان في جسمي اكتر من 2 لتر صديد وروحت المستشفي الخاصه ولحد إلآن بتعالج بسبب خطأ دكتور عمرو المنشاوي منه لله مره قطعلي القناه المراريه وبعدين عمل توصيله جوه من الكبد للمعده وهي مش من اختصاصه نفسي اعرف ازاي دكتور يمضي اهلي علي حاجه ويعمل حاجه تانيه مش من اختصاصه الاكل والشرب بيطلع من بطني بسبب خطا الدكتور فين وزير الصحة وفين وكيل الصحة بالإسكندرية إمتى هايتوقف هذا الإهمال الاسكندرية نبيل البخشوان .