الرئيسية أخبار طريقة عمل القرص الهشة مثل الأفران

طريقة عمل القرص الهشة مثل الأفران

moda 2119
طريقة عمل القرص الهشة مثل الأفران
واتساب ماسنجر تلجرام

قرص طريه 🍞 مقدمة من / شيف هدير علام 

كيلو دقيق وكيلو حليب وعملنا حبه قرص زى الفل وغلفناهم وع الفريزر نسحب منهم فأى وقت وكمان شكلناهم حبه بالشمر واليانسون وحبه بالجبنه وحبه بالعجوه والسمسم

مين هايعجن معانا

يلا بينا

كيلو دقيق

كيلو حليب دافى

كيس خميره فوريه

رشه ملح

معلقتين كبار سكر

معلقتين كبار لبن بودره

كوب سمنه طريه

فى بوله هنحط الدقيق واللبن البودره ورشه الملح ونقلب

هناخد الخميره على السكر على نص كوبايه من الحليب بتاعنا نقلبها ونسبها ٥ دقائق وننزل بيها على خليط الدقيق وننزل بالحليب الباقى حبه بحبه ونعجن لحد مالعجينه تبدأ تلم ننزل بالسمنه ونعجن لحد مايبقى عندنا عجينه طريه ومتماسكه نسيبها تخمر وبعد كده نقطعها كور صغيره ونسيبها تخمر تانى وبعدين ناخدها على الصينيه اللى هندخلها الفرن وتكون مرشوشه دقيق ونبدأ نبططها بأيدينا من غير منرفعها اووى ونسيبها تخمر كمان مره لحد مانسخن الفرن على ١٨٠ وندخل لحد ماتاخد لون حلو من فوق وتحت ونطلع وبالف هنا

عاوزينها ساده كده اوووك عاوزينها بعجوه هنحشيها أو جبنه أو نحطلها شمر ويانسون واحنا بنعجن. 

 

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *