الرئيسية آراء فضفضة رضوى إبراهيم -امتى تعرف إنك نضجت ؟!

فضفضة رضوى إبراهيم -امتى تعرف إنك نضجت ؟!

moda 1484
فضفضة رضوى إبراهيم -امتى تعرف إنك نضجت ؟!
واتساب ماسنجر تلجرام
بقلم / رضوى إبراهيم .
” رصــــــــد الـــوطــن “

لما متتباهاش بالغلط
لما متخليش السهر والناس يضيعولك وقتك
لما متتعصبش لما شخص يخالفك الرأي
لما تسمع أكتر ما بتتكلم
لما متبقاش المتعة عندك بتتلخص في السكس والبنات
لما تستعيب إنك تعاكس أو تتحرش ببنت
لما الإلتزام يبقى مبدأ
لما مدخلش الحلفان في كل كلامك
لما متحكمش علي الناس من الظاهر
لما الكلمة اللي تخرج من بوقك تبقى سيف
لما تحب الخير لغيرك
لما تبطل تتمنى زوال النعمة لغيرك
لما تقتنع إن مافيش حاجة مستحيلة
لما تبطل تقسى على حد وتفكرها قوة
لما متكسرش قلب ولا خاطر إنسان
لما تعرف إن الإنسان مش ماركات ونوادي وصور في أماكن فخمة
لما تعرف إن من تواضع لله رافعه
لما تعرف إن اللي يدوس على كرامة جيشه بكره يعيط
لما الغريب يدوس عليه وميلقيش حد يحميه
لما يكون مبدأك أن مافيش حاجة إسمها نهاية لكن في حاجة إسمها بدايات مستمرة
لما تعرف إن سعادتك تبدأ من صحتك النفسية
لما تتأكد أن الحواجزبتكون في دماغنا بس أو أقنعنا بيها الأخرين
لما تتعلم أن كل ساعة بتعدي علينا بتغير في شخصيتنا حاجات
لما تخلى سلاحك في عقلك وتحترس من عدوك وتخلي في مسافة أمان بينك وبين القريب
لما تحامي لوطنك مش لحزبك
لما تبطل تفتعل الأحداث لأغراض شخصية
لما تكبر دماغك وتسأل علي الناس اللي مبتسألش عليك
لما متديش الموضوع أكبر من حجمه
لما تحب تعيش في سلام داخلي
لما متتبعش مبدأ فرق تسد
لما تعترف بغلطك
لما متتكلمش في ضهر حد
لما متقارنش نفسك بحد
لما متدخلش في حياة الناس
لما تبطل تهزرمع حد بشكله أو بطوله أو بتخنه وتفكر أن دي خفه دم
لما تبتسم في المصايب لإنك متأكد إن ربنا جنبك
لما تتعلم تسيطر على غضبك علشان تنتصر على أعدائك
لما تتعلم ترتب أولويات حياتك كل فتره لأن أولوياتك وإهتماماتك بتتغير كل شوية… طبقا للزمان والمكان والظروف وإنك قبل ماترتب أولوياتك رتب الأول الكركبة اللي جواك والأشخاص اللي حواليك لإنهم هما اللي بيأثروا على قرارتك سواء بالسالب أو بالموجب
إنك تعرف لولا اللي مكملش مكنش جه اللي كمل
لما تحب نفسك وتحترمها بجد

اترك تعليقا

لن يتم نشر عنوان بريدك الإلكتروني.