الرئيسية مقالات الكتاب قسمونا أحزاب وجماعات لحد إمتي يا مصريين هنفضل نقسم في بعض لفلول واخوان وانقلابي وعلماني وليبراليي

قسمونا أحزاب وجماعات لحد إمتي يا مصريين هنفضل نقسم في بعض لفلول واخوان وانقلابي وعلماني وليبراليي

moda 1480
قسمونا أحزاب وجماعات لحد إمتي يا مصريين هنفضل نقسم في بعض  لفلول واخوان وانقلابي وعلماني وليبراليي
واتساب ماسنجر تلجرام
كتب: رضا بدير
جريدة رصد الوطن

 

والجديد دلوقتي كمان مصطلح انقلابيين ده غير اننا مسلمين ومسيحين وعلمانيين وليبراليين……. إلخ. ولكل تقسيمه من دي مؤيديها ومعارضيها وكل ده سببه انتمائنا لاشخاص وافكار انا بحب مبارك وانا بحب مرسي وانا لا طايق لا ده ولا ده وبحب واحد تالت ورابع امتي بقي هنتفق علي حب مصر وبس انا اعرف ان الانسان يحب الحاجه اللي باقيه ليه مصر هي اللي باقيه لينا مش الاشخاص دي دول حتي لو مكنوش سابوا الحكم فمصيرهم الموت خلاص بقي كأنهم ماتوا احنا كنا مثل لكل شعوب العالم في الوحده ايه اللي حصل قدروا يقسمونا بزرع حب الاشخاص واختلاف انتمائتنا وهدفنا ونزع حب الوطن من قلوبنا.

لحد امتي هنفضل نسمح لدويلات الغرب المتطفله عديمه الجذور والحضارات تطبق علينا مبدأها (( فرق تسد )) وبالفعل نجحوا فيه بأيدينا للاسف وفي الاخر نطالبهم بعدم التدخل طيب ميدخلوش ليه ومينتهزوش الفرصه دي ليه وهما مستنينها من زمان عارفين الفرق بينا وبينهم انهم بيشغلوا عقولهم والي حد ما بيستفادوا من التاريخ وانا بقول الي حد ما لأن رغم ذكائهم في انتهاز الفرص للتدخل الا انهم اغبياء بردو لأنهم متعلموش من التاريخ ومش هيتعلموا ان مصر بتكون محطه النهايه لاعدائها ( مصر مقبره الغزاه ) واحنا للاسف مبنعرفش نستغل غبائهم وبنسمح لهم كل مره بالتدخل في بلادنا بسبب فرقتنا وبعدين نقهرهم يعني بمعني اصح معندناش مبدأ ( الوقايه خير من العلاج ) لازم نتصدم علشان نفوق مبنتعلمش كمان من تاريخنا سواء علي المستوي المصري ولا العربي ان لو اتوحدنا مره كمصريين وعرب ممكن نعمل في الدويلات دي ايه ده احنا ممكن نمحيهم من علي وجه الارض وبسهوله زي ما بايدينا احنا الدويلات دي كبرت بسهوله للاسف و بقي ليهم حجم وقوه احنا نختلف ونتقسم ونضعف من كيانا وهما يتوحدوا ويبقوا قوه عظمي.

خلينا في الوحده علي المستوي المصري لأن الوحده علي المستوي العربي واضح انها مش هتتحقق بشكل كامل الا بقيام الساعه. مسألناش نفسنا سؤال اخرتها ايه ؟ مسألناش نفسنا سؤال احنا افترقنا واتقسمنا كده علشان خاطر مين وايه النتيجه اللي هنجنيها في الاخر من ورا الاختلاف ده ؟ مفكرناش مصر اد ايه تعبت مننا وهل هي تستاهل منا كده ولا لأ ؟ ارضنا اللي اتولدنا عليها وملناش غيرها وكبرنا من خيرها ده جزائها ده رد الجميل ليها يا مصريين نمزقها وننهش فيها بالشكل ده ؟ انا بكتب الكلام ده ووالله قلبي بيبكي علشان بلدنا متستهلش كده طيب احنا بندمر في بلدنا دلوقتي ذنب بقي ولادنا اللي هييجوا في المستقبل ايه في خراب البلد اللي هيورثوه عننا هو ده اللي احنا هنورثه ليهم الكره والتفرقه والخصام والدمار لأ والله احنا متعلمناش كده من ابائنا وجدودنا علشان نعلمه لولادنا حرااااام والله اللي هنعمله فيهم.

تعالوا نوحد هدفنا ونخليه ( مــــــــــصــــــــــر ) و بس علشان نقدر نبنيها لولادنا من جديد مصر هي اللي باقيه والحكم والاشخاص الي زوال. تعالوا نتوحد علشان نبقي قوه عظمي في المنطقه والعالم كله ومنسمحش لدويلات متطفله انها تتحكم في دول بحجمنا كفايه بقي مشاحنات وصراعات وتخوين وتربص وهجوم علي بعضنا البعض عيب عيب اوي والله.

( فــــــــــــــــوقــــــــــــــــوا بقي ) يا مصريين وتعالوا نحط ايدينا في ايد بعض نرفع ( مــــصــــر ) ونخليها احسن بلد في الدنيا بإذن رب. ها ولاتنسى الدعاء اللهم انتقم من بث الرعب والفزع النفسى فى قلوب المصريون ومازال للحديث بقية.

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *