الرئيسية أخبار كفتة الارز بالفراخ وصفة مميزه مقدمة من شيف هدير علام

كفتة الارز بالفراخ وصفة مميزه مقدمة من شيف هدير علام

moda 701
كفتة الارز بالفراخ وصفة مميزه مقدمة من شيف هدير علام
واتساب ماسنجر تلجرام

كفته الأرز بالفراخ مقدمة من / شيف هدير علام
كفته الرز الجميله اللى كلنا بنحبها بس المره دى بالفراخ بدل اللحمه  والطعم هو هو واللون كمان علشان اللى بيفضلوا الفراخ عن اللحمه يتبسطوا  ولو فضل حبه منها بعد التحمير  لأنها هتتخطف  ابقوا خدوهم بقى اعملوهم بحبه صلصه وبططسايه مع حبه رز بشعيريه وشويه مخلل وتبقى اكله زى الفل

المقادير
نص ك فراخ مخليه مغسوله ومتصفيه ومتقطعه صغير
٢كوب دقيق رز “يعنى دقيق الرز نفس مقدار الفراخ ”
ربطه بقدونس / ربطه شبت / ربطه كسبره
بصله كبيره مقطعه/ اربع فصوص توم
نص معلقه صغيره ملح
معلقه صغيره لكل من ” فلفل اسود . كمون. بهارات. كسبره ”
ورشه حبهان بودره
نحط كله فى الكبه ونفرم ناعم جداا نطلعها نلمها كويس ونشكلها صوابع ويكون جنبنا زيت كل شويه ندهن ايدينا خفيف واحنا بنشكلها .. نحمرها وبقت جاهزه .. ناكل حبه متحمرين مقرمشين

والباقى نحطه فى صلصه
الصلصه ” عصير ٣ طماطمات ومعلقه صلصه نحطهم فى حله بمعلقتين زيت وملح وفلفل ومكعب مرقه وفص حبهان يتسبكوا نحط كوب ميه يغلوا ننزل بالكفته غلوتين ونطفى وممكن نزود بطاطس مكعبات وبالف هنا وشفا
واللى معندوش دقيق رز يغسل رز ويسيبه ينشف تماما وبعدين يطحنه ناعم جداا وبعدين يعاير الكوبايتين

اترك تعليقا

لن يتم نشر عنوان بريدك الإلكتروني.