كفتة الدجاج بالبرغل من أشهي وصفات الدجاج تعرفي على المقادير والطريقة
كفته الفراخ بالبرغل 🍖مقدمة من شيف / هدير علام
الكفته دى ياجماعه خفيفه بشكل يخليك تخلص اى كميه تتحطلك بجد لازم تجربوها وطعمها احلى كمان من كفته اللحمه بالبرغل وقدمت معاها رز القرفه الجميل والخفيف ٩ البرغل قيمه غذائيه وكمان بيزود الكميه
هقولكوا الطريقه بالتفصيل وكمان طريقه الرز
يلاا بينا و
اولا الكفته / نص ك فراخ مخليه صدور أو وراك براحتنا
كوب الاربع برغل مغسول كويس ومنقوع قبلها بليله أو ع الأقل اربع ساعات ومتصفى كويس بصلتين كبار مبشورين ناعم ومتصفيين كويس من الميه بتاعتهم
_ معلقتين كبار نشا ومعلقه صغيره بيكينج بودر
_ملح ومعلقه صغيره فلفل اسود وبهارات فراخ ورشه قرفه
هناخد الفراخ نغسلها ونصفيها كويس جدا ونسبها تنشف شويه وناخدها نفرمها وبعدين نحط كل المكونات “برغل والبهارات والنشا والبودر والبصل ” نفرم كله فى الكبه ونطلعم نشكلهم ومع كل صابع نبل ايدينا بالميه اللى طلعت من البصل
نرص على صينيه مدهونه زيت وندخلها الفريزر تتشمع نص ساعه ونطلعها على فرن سخن على ٢٠٠لحد ماتستوى ووشها يتحمر ونخلى بالنا كميه البرغل بعد النقع هتتضاعف ومع البصل هنلاقى النص ك فراخ طلعلنا ك كفته
خطوه اختياريه بقى لو حبنها بريحه الفحم هنولع فحمه ونحطها فى قطعه فويل ونحطها فى نص صينيه الكفته بعد ماتستوى وننزل على جزء منها بنقطه زيت واول ماتدخن نغطى على طووول وممكن فى الخطوه دى نحط رغيفين عيش مع الكفته ياخدو ريحه الفحم
وبس كده بالف هنا وشفاَ طعمها بجد روعه
نيجى بقى للرز الجميل اللى يتاكل حاف ده
كوبايتين رز بسماتى مغسول
عود قرفه ومعلقه صغيره بودره قرفه
مكعبين مرقه دجاج
ربع معلقه صغيره فلفل اسود وورقتين لورا
فى حله هنحط اربع معالق زيت وننزل بالقرفه والمرقه واللورا ياخدو تشويحه ننزل بالرز نقلب وننزل بالميه ” لكل كوب رز كوبايه ونص ميه ” اول مايغلى نهدى النار خالص لحد مايستوى وبس كده وطبعا محطناش ملح علشان اخد التمليحه من المرقه وبجد لازم تجربووووه تحفه وخفيف.
اترك تعليقا