الرئيسية خواطر ” كلام من القلب ” ابني الشهيد

” كلام من القلب ” ابني الشهيد

moda 710
” كلام من القلب ” ابني الشهيد
واتساب ماسنجر تلجرام
بقلم / نسرين نبيل
“رصــــد الـــوطــن”

 

هو كان حلمي …. وحياتي

كان ليلاتي ….يقولي جاي

كنت خايفة عليه ….. بجد

أصلها حرب ….. تهد

لما أرجع للبداية …… هو طفل كان جميل

كان لي حلم ….. وكان دليل

أصله كان يشبه أبوه ……. في كل حاجه

في الرجولة …… والعناد

في الهمة ……. وفي النشاط

تانوه يكبر ….. ويا حلمي

كنت بحلم ….. بيك يا أبني

إني أفرح بيك …… في يوم

وإنك ماتشلش ….. الهموم

وإني هاحب ….. حفيدي

أكتر منك …… أكيد في يوم

ولما دخلت …… الجيش

قولت أبني …… زيه مافيش

بس كنت خايفة عليك …… بجد

أصلها …… حرب تهد

أصل مصر ديه يا أبني …….. حلم كل فرد

كنت بدعي …… يبعدوا عنا الأعادي

وإن ربنا ينصرنا …… وينصر بلادي

وفي يوم ……. جالي الخبر

أبنك شهيد …… يا حاجه ما تقلقيش

أبنك شهيد …… شرف لمصر وللجيش

بس ساعتها …… قلبي وقف

نبضه وقف …… حلمي وقف وسط الطريق

وبدأت اسأل …… معقول كده

أنا مش هاشوفه تاني …… ولا إيه

طب ……. ليه كده

وعملتوا فيا …… كده ليه

يرجع يرد ……. قلبي بنبض

ابنك ….شهيد

ابنك شرف لكل مصري ….. وكل بيت

ابنك …… ما متش

ابنك في جنة …. ما تشافتش

ابني حبيبي …… ونور عينيا

ابني شرف ….. لكل مصر وليا

وعشان عيونك …… يا بهية

مش يموت ….. شهيد وبس

لأ …… يموت ألف شهيد

واللي مات …… أغلي عندي من كل العباد

وصدقوني …… أغلي من ابني ما فيش

اترك تعليقا

لن يتم نشر عنوان بريدك الإلكتروني.