الرئيسية خواطر ” كلام من القلب ” بحبك حب مالو زي

” كلام من القلب ” بحبك حب مالو زي

moda 1825
” كلام من القلب ” بحبك حب مالو زي
واتساب ماسنجر تلجرام
بقلم / نسرين نبيل
“رصـــد الــوطــن”

ساعات بفرح ساعات بحزن
ساعات ببكي ساعات أضحك
ساعات معرفش حاسه بإيه
ساعات واقفة علي رجلي وصعب حد يكسرني
وساعات بحس بإني تايهه مجروحة
ومن أقل كلمة بحس إني مدبوحة
ماعرفش مالي بقيت كده ليه ؟
بقيت بشتاق لضحكة صافية من قلبي
ماعرفش ليه بقيت عالطول كده خايفة؟
وصدقوني الأصعب بإني برده مش عارفه ؟
أنا بقيت بخاف ليه ؟
مافيش غيرك يطمني في وسط الظلمة أنتي النور
أنتي حبيبتي السند والضهر
وأنتي حبي لأخر العمر
بحبك لأ والله كده قليل
بموت فيكي يمكن كده يكفي
ومهما قولت عليكي يا حبي والله كلماتي ما تكفي
بحبك حب مالو زي
بحبك حب النحلة للزهور
بحبك يا بدر منور يا قمر بيدور
ومهما قولت فيكي أو هاقول
والله ما يكفي كل الحب ليكي
يا أمي أنتي كل العمر
ومهما جت عليا أيامي وشوفت الضلمة قدامي
عيونك نور بحور من الأمل والصفا والطهر
ولما بخاف بشوف في عنيكي دفا وإحساس
ينسوني أي خوف أو ضعف
وربي وصي عليكي ورسولي قال ومدح فيكي
يا شايلة همي من يومي
لحد ما أموت لو عملت إيه ما أوافيكي
يا اللي نظرة من عنيكي تمحي ألام السنين
يا شمس ساطعة تملا الكون نور
بحبك يا قمر ويا بدر البدور
بحبك والله بحبك حب مالو زي.

اترك تعليقا

لن يتم نشر عنوان بريدك الإلكتروني.