” كلام من القلب ” دايما بتسأل مسيحي ولا مسلم ليه ؟

بقلم / نسرين نبيل "رصــــد الـــوطـن" إنت عايز مني ......
Article rating: out of 5 with ratings

” كلام من القلب ” دايما بتسأل مسيحي ولا مسلم ليه ؟

بقلم / نسرين نبيل "رصــــد الـــوطـن" إنت عايز مني ........
رئيس مجلس الادارة احمد ادهم
المدير التنفيذي احمد العزبي
اخر الأخبار

خواطر

” كلام من القلب ” دايما بتسأل مسيحي ولا مسلم ليه ؟

14 أكتوبر، 2017, 12:49 ص
739
” كلام من القلب ” دايما بتسأل مسيحي ولا مسلم ليه ؟
طباعة
بقلم / نسرين نبيل
“رصــــد الـــوطـن”

إنت عايز مني ….. إيه ؟

دايما بتسأل مسيحي ولا مسلم …. ليه ؟

طول عمر جرجس …. أخو محمد

في كل حاجه …متشابهين

ناكل ونشرب في طبق … واحد

وعمر ما فرق بينا ……. دين

في المدرسة هو حبيبي ….. هو أخويا

مينا ده صاحبي …… وصاني بيه أبويا

قالي كلام ماكنتش فاهمه …… زمان

قالي ما يكسرش …. غير اللي واقف لوحده غلبان

لكن اللمة ….. أمان

انت يا محمد وجرجس ومينا ….. ومصطفي كمان

لو كنتوا دايما ….. سوا

ما يقدر عليكوا حد

الكسرة في الوحدة واللمة فيها ….. أمان

أمانا وحدتنا ….. جرس وأذان

وده مش كلام … شعارات

ده كلام عليه ….. أمارات

الأولي …. أنه طول عمره صاحبي وحبيبي

دايما في ظهري ….. عمره ما خلي بيا

كان يسيب الصلاة في الكنيسة …. علشان تعبت ويجري يسأل
عليا

يدعيلي في صلاته ….. في صلاتي أدعيله

في رمضان يفطرني ….. في صيام العدرا أجيله

طول عمر أمهاتنا …. أصحاب

ناكل ونشرب …… سوا

لغاية لما الخسيس قبض ….. وفهموه اللعبة

إن الهزيمة ….. في إنكسار الوحدة

في العراق ….. نجحت

قوم شيعي ….. علي سني

قاموا ومن ساعتها …… الدنيا ما هي قاعدة

وفي سوريا …… نفس الشيئ

شيعي وسني جرئ ….. قلبوا علي بعضهم

بس يا خسارة ….. وسط العركة ضاعت أرضهم

وفي مصر ….. ديه فرصتهم

يلا ….. نموتهم

ويقولوا مسلم إرهابي جبان ….. قتل مسيحي حرام

وساعتها المسيحي …. يزعل

والله حقه يا ناس ….. ما هو المجروح

عايزينه يشعر بأنه ….. ضعيف

مع أنه أقوي الناس ……. سامح كتير وخلاص

مات كتير منكم ….. بس أنا أنتم

ودول ….ما هم مسلمين

والله ولا مله …… والله ولا دين

حزين أنا …… بجد حزين

لأنك أخويا ….. وصاحبي وحبيبي

ورسولي وصاني عليك ….. ووصي كل المسلمين

حمله تقيل يا ناس ….. ضربينه في مقتل

في عيده كسرينه …… وفي فرحه قتلينه

بس والله يا اخويا ….. أنا معاك نفس الإحساس

إرهابي خسيس …. لا هو مني ولا منك

عايز يقوم بيني وبينك ….. وخلاص

والشهدا اللي راحوا ….. دول في مكان أحسن منا يا ناس

في الجنة ….. ونعيمها

ومسيرك يا خسيس ….. بالجزم تنداس

عمرك ما تعرف تقوم بين مسلم ومسيحي ….. خلاص

اللعبة عارفينها …. ومفهومة وواضحة لكل الناس

ما هي لعبة مفقوسة …. بس المشكلة إنها بدم الأبرار مغموسة

واللي مصبرنا إنهم في الجنة ….. ونعيمها

وانت يا خسيس في جهنم ….. الحمرا

أنا مش بعزي المسيحيين وبس ….. والله أنا بعزي كل الناس.

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات