الرئيسية خواطر ” كلام من القلب ” كل حاجه في بلدي تمام

” كلام من القلب ” كل حاجه في بلدي تمام

moda 2241
” كلام من القلب ” كل حاجه في بلدي تمام
واتساب ماسنجر تلجرام
بقلم / نسرين نبيل
“رصــــد الـــوطـن”

قولنا وقالوا …. ده بقه حاله
كل شوية … بنسأل ماله
مرة ده راح …. مرة ده جه
مرة ده راح في البوكس يا بيه
وسألناه ….. طيب ليه ؟
قال والله ما ليا في حاجه
ولا حتي أتكلمت في زيادة
حتي إن سألوا …… قولت … يا سلام
كل حاجه ….. في بلدي تمام
لا الأسعار ….. غالية ولا حاجه
ولا التعليم …… حاجه ألاجه
ولا المستشفي ….. في صحتنا
حاجه تخلي ….. الأعمي يشوف
ويفتح بزيادة
بلدي ما فيها حد فقير
كله متمرمغ …… في الخير
اللي بياكل لحمه ……. واللي بياكل فطير
ولا الأحلام ….. كله بيتحقق
من كتر الفرحة…. واللهي هاطير
كل شبابنا ….. مش عطلانه لأ شغالة
اللي مدير ….. واللي سفير
واللي صاحب مصنع الفطير
كل حاجه في بلدي ….. ألاجه
كل ده قولته
بس بقوله وأنا مجبور
وأنا مكسور ….. وأنا متقيد بغلول
وسلاسل مش راضية تسبني
أصحوا …… وفوقوا
أوعوا تقولوا ….. ديه كانت ثورة
لأ …. واللهي ديه كانت غول
غول أكل كل أحلامي
مصمصها ….. عظمة …. عظمة قدامي
والله ما سابني ….. غير مكسور .. مقهور
وأما أتكلمت …… قالوا عميل
وبيكره …… لبلدي الخير
قولت ديه بلدك ؟
طب ما هي بلدي
بس هاقول أيه ؟ ما هو تغير
بس أسمعني…. يا أبو تغير
قبل ما تقولي حاجه
شبعني ……. علشان جوعت كتير
بسأل نفسي ….. والله كتير
بلدي حياتي ….. ولا مماتي ؟
هي ضحكي …. ولا آهاتي ؟
نفسي أجاوب …. باللي في نفسي
نفسي يا بلدي ألقي فيكي نفسي
نفسي لما أتسأل …… ماكدبش
وأقول اللي في نفسي .

اترك تعليقا

لن يتم نشر عنوان بريدك الإلكتروني.