الرئيسية خواطر كلام من القلب…مش مهم ازاي أموت

كلام من القلب…مش مهم ازاي أموت

moda 2441
كلام من القلب…مش مهم ازاي أموت
واتساب ماسنجر تلجرام
بقلم / نسرين نبيل
“رصـــد الــوطـــن”

مش مهم …… هو مين ؟
ومش مهم …. أكون بحبه
أصلي مش هادوب …… في حبه
المهم والضروري …..هايقدر يثبت حضوري
هايقدر يشلني في فقري ….. وفي حزني …. وفي سروري
نادوني وسبت حالي ……. هناك
وقالوا تعال ….. يلا معانا
قولتلهم …. فيه أيه يا ناس ؟
بيوزعوا لحمة …… خلاص
قالوا يا عم ….. لحمة إيه ؟
انت هاتحلم ….. ليه ؟
إحنا رايحيين ….. مع البيه
إدونا نص يومنا ….. أجازة
وكمان راضونا …… بإزازة
استغربت ! وسألت إزازة إيه ؟
قالوا إزازة ميه معدنية ……. يا بيه
بدل الميه اللي بتفيرسنا …. بفيروس سي
يلا ركز …… وأنتخب ريسنا
علشان لو ما ركزتش ….. هتحبسنا
ضحكت ضحكة ….. والله ما ضحكتها من زمان
قولتلهم وإزاي يركز واحد …… وهو جعان
مش لما أشبع الأول …. أشوف أنا ممكن أعمل إيه
ولما أقدر ألبس ….. عيالي
وأعرف هما عريانين ….. ليه؟
وازاي عريانين ….. في بلد القطن يا بيه ؟
مش لما أعرف …… أعلمهم
علشان ينتخبوا ….. هما كمان
ولا الجهل …… عاجبهم
علشان البوق يفضل مقفول ….. وجواه اللسان
صرخوا في وشي ….. وقالوا يخربيت ده كلام
كل اللي بتقوله ….. عارفينه تمام
بس هانعمل إيه؟ مغصوبين يا حرام
إصحوا وفوقوا يا شعب ….. مات من الجوع
مش أي واحد …هاضربله تعظيم سلام وتحية خضوع
تعبت خلاص … ومش بموت لأ
دا أنا موت ….. يا ناس
وما بقاش عندي …… أي إحساس
لا أنتخب …. ولا ما انتخبش خلاص
ومش مهم ازاي ….. أموت؟
لأني كد كده ميت يا ناس .

اترك تعليقا

لن يتم نشر عنوان بريدك الإلكتروني.