كيف نحكي للاطفال عن الشياطين ؟

بقلم / د. ولاء شبانة "رصــــــد الــوطن" عندما يسأل ابناؤك.
Article rating: out of 5 with ratings

كيف نحكي للاطفال عن الشياطين ؟

بقلم / د. ولاء شبانة "رصــــــد الــوطن" عندما يسأل ابناؤك...
رئيس مجلس الادارة احمد ادهم
المدير التنفيذي احمد العزبي
اخر الأخبار

المرأة

كيف نحكي للاطفال عن الشياطين ؟

3 مارس، 2018, 9:50 م
711
كيف نحكي للاطفال عن الشياطين ؟
طباعة
بقلم / د. ولاء شبانة
“رصــــــد الــوطن”

عندما يسأل ابناؤك عن وجود الشياطين وما عملهم وما صورتهم .. كيف تجيب .. نظرة نفسيه ..
خلينا نتفق بداية.. ان كتير مننا الصورة الموجودة في دماغه عن الشيطان هي الصورة اللي اتحكت لنا و احنا صغيرين.. رغم ان كتير من الكلام اللي كان بيتقال لا يوجد له سند ديني او منطقي.. و في امهات كبيرة لحد يومنا هذا مثلا بتخاف تدخل الحمام بالليل لانها خايفة من الشيطان اللي قاعد في الحمام.. و كتير مننا مش فاهم قد ايه الشيطان ضعيف.. بل بنديله حجم اكبر من حجمه بكتير.. و للاسف دا اللي بنقع فيه مع اولادنا.. لما احنا اللي نبتدي نخوفهم من الشيطان.. زي اننا نقولهم بالليل قبل ما ينامو.. بهمس … ششش نامو لحسن الشيطان يجي .. او لازم تكونوا في السرير عشان الشيطان بيجي بالليل ..

و طبعا الشيطان بالنسبة لنا هو وحش مخيف له قرنين ولونه احمر.. ولا اعرف بصراحة الوصف دا جه منين؟!و للاسف دا اللي بنوصله لاولادنا
إذا..
الصورة الذهنيه اللي بتكونها عند الاطفال بالمعلومات اللي بتقولها وبالطريقه والوصف والتفاصيل هي اللي بتفضل معاهم غالبا لاخر عمرهم.. عشان كده لازم نتكلم بمنتهى الحرص في المعلومات دي..

فيه واحده من فترة كانت كاتبه ان ابنها شاف” سورة الناس” في كتاب من المناهج الحكوميه وراسمين صورة الشيطان بيوسوس في صدور الناس .. الطفل كان حساس وجاتله صدمه وفضل خايف ومرعوب ومش بينام ..

عشان كده الاطفال محتاجين يعرفوا عن الشياطين الآتي:

-قصة سيدنا ادم طبعا ونركز على فكرة ان الشيطان تحدى الله عز وجل و قاله انه حيخلينا ندخل النار.. وهو عدو الانسان و بيغير منه لان ربنا فضلنا عليه

-لازم الطفل يفهم فرق القوى بين الله عز وجل وبين الانسان وبين الشيطان.. لازم نحطه في حجمه الحقيقي
الشيطان كائن ضعيف جدا والانسان ربنا خلقه اقوى منه بكتير .. ربنا قال عنه “ان كيد الشيطان كان ضعيفا” وقال عن الانسان انه خليفته في الارض

-الشيطان مايقدرش على الانسان المؤمن اللي بيتوكل على الله لان ربنا قال كده ..
(إِنَّهُ لَيْسَ لَهُ سُلْطَانٌ عَلَى الَّذِينَ آَمَنُوا وَعَلَى رَبِّهِمْ يَتَوَكَّلُونَ (99) * سورة النحل
(إِنَّ عِبَادِي لَيْسَ لَكَ عَلَيْهِمْ سُلْطَانٌ إِلَّا مَنِ اتَّبَعَكَ مِنَ الْغَاوِينَ (42) * سورة الحجر
(إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلًا (65) * سورة الإسراء

-الشيطان بيزعل لما يحصل للناس حاجه كويسه وبيفرح لما تحصل حاجه وحشه .. عشان كده لما تحصل حاجه تزعلنا لازم نذكر ربنا ونقول “الحمد لله” ونقول “حسبنا الله ونعم الوكيل” .. ونقول “انا لله وانا اليه راجعون” ..
مش كفايه نعلمهم الاستعاذه فقط او نقول ان الاستعاذه بتحرقهم.. لازم نحفظهم الايات دي واي ايات تانيه مرتبطه بنفس الموضوع عشان نربط القران بحياتهم اليوميه
ولازم نخلي بالنا ان بالطريقة الخطأ بتاعة ان القرآن بيحمينا من الشيطان.. بتبعد اولادنا عن التقرب لله بالقرآن.. انا لازم اركز ان القرآن هو كلام الله و يقربنا منه مش القرآن بيحمينا من الشيطان..

-الشيطان موجود فين؟ موجود في كل مكان بس لما بيلاقي المكان نضيف وبنصلي فيه وبنذكر الله فيه دايما بيخاف وبيهرب .. هو بيحب يكون في الاماكن القذرة ..
(بلاش نركز على موضوع الشيطان موجود في الحمام ده لانه فكرة مرعبه للاطفال حقيقي .. حنقول ان الحمام مكان بيحبه الشيطان لو مش نضيف لكن لما بيكون الحمام نضيف وريحته حلوة مش بيقعد فيه ! )
و لأن حقيقي دا احد اسباب التبول الليلي للاطفال.. لانهم بيخافوا يروحو الحمام.. مهو الشيطان قاعد و حتى لو بيقول الدعاء فيظل الخوف هو المسيطر.. فبلاش نركز اصلا على النقطة دي.. خلينا دايما نقول الاذكار و الادعية تقربا لله سبحانه وتعالى
دا غير ان زمان الحمام كان الخلاء مش حماماتنا دي.. و الامر مختلف.. ولكن عشان ما نفتحش باب الجدل.. خلينا نتفق ان المعلومات تتقال للاطفال بشكل تدريجي مش مخيف.. و نعمل عقولنا قبل ما نقولها ونشوف اصلا هل في فائدة من ذكر المعلومات دي ولا لا.

نصيحه اخيره ..
احيانا لما بنحب نكره الاطفال في الشيطان بنصوره بصور سيئه وبشعه جدا لدرجه “مخيفه” .. الاصح اننا نصوره على انه كائن ضعيف وصغير الحجم وجبان بيخاف من ذكر الله ومن المؤمن القوي وكل اللي بيعمله انه يجيبلنا افكار غلط تغضب ربنا..

إرسل لصديق

الوسوم :
  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات