كيك الزبادي الهش بطريقة سهله مع الشيف هدير علام
كيك الشاى 🥮☕ مقدم من شيف ة هدير علام
الكيك اليومى العادى اللى بيظبط كوبايه الشاى
الكيك كله فى الخلاط .. هش جداا وطرى زى النايتى
يلا نقول الطريقه تانى وهاقولكم الخطوات نحط ايه قبل ايه علشان بتفرق جامد فى النتيجه
المقادير
٢كوب دقيق
كوب سكر
٣بيضات
كيس بيكينج بودر ” انا بفضل كيك شيف”
علبه زبادى واحده حجم١١٠ جرام
تلت كوب حليب
تلت كوب زيت نباتي “ذره او عباد”
معلقه كبيره خل ابيض
معلقه صغيره فانيليا سائله اوربع معلقه صغيره فانيليا “السائله افضل”
رشه ملح
الخطوات بالترتيب
فى الخلاط هنحط البيض والفانيليا والخل ونضرب كويس جدا لحد مايبقى لون البيض فاتح والحجم يضاعف بعد كده هنحط السكر ونضرب تانى كويس جدااا بعد كده الحليب والزبادى ونضرب جامد واخر حاجه الزيت ونضرب برده كويس جدااا …
فى بوله هنحط الدقيق ع البودر ع رشه الملح ونقلب كويس
وننزل عليهم بالخليط اللى فى الخلاط ونقلب بمعلقه حلو جدا لحد ماكله يتجانس وممكن نحط كل المواد الجافه بعد ماقلبناها فى الخلاط مع خليط السوائل ونضرب كويس “انا بعمل كده ” بيخلى الخليط ناعم جداااا ومتجانس تماما ننزل بقى بالخليط فى صينيه مقاس ٢٤ مبطنه بالزيت والدقيق
نسخن الفرن وندخل على ١٨٠ لمده ٢٠ دقيقه او حسب الفرن . تستوى نطفى ونوارب باب الفرن ونسيبها جوه ٥ دقائق وبعد كده نطلعها تبرد تماما قبل التقطيع وبالهنا والشفا ❤️
ايه اللى يخلى لونها فاتح كده ١/ نوع بودر كويس والحقيقه كيك شيف حلو جدا
٢/ لون السكر يكون ابيض
٣/ الزيت يكون ياذره ياعباد
٤/معلقه الخل بتفرق جدا فى الهششان واللون
وبس كده
اترك تعليقا