الرئيسية أخبار كيك المشمش النايتى مقدمة من شيف هدير علام

كيك المشمش النايتى مقدمة من شيف هدير علام

moda 1462
كيك المشمش النايتى مقدمة من شيف هدير علام
واتساب ماسنجر تلجرام

 

كيك المشمش النايتى جدا 🥞🧈🫖 مقدمة من شيف / هدير علام

كيك بجد مش هتصدقوا طعمه لذيذ ازاى الا اما تجربوه

ناعم جدااااااا وطرى وهش بجد خطيررررررر

عامل زى النايتى بتاعنا بتاع زماااان علشان كده انا قلت عليه كيك النايتى

يلا نقول المقادير

٢ كوب دقيق

نص كوب زبده طريه

نص كوب سكر

كوب حليب

بيضتين . معلقه صغيره فانيليا سائله. معلقه كبيره خل

كيس كيك شيف .. ذره ملح

والمكون البطل بتاعتناااااا مربى المشمش اللى خلت لون الكيك تحفه وطعمه تحفتين وريحته تجنن بجد هو نايتى ملوش وصف تانى

هنحط اد ايه من المربى هنحط معلقتين كبار يعنى ربع كوبايه مليانه حبه ويفضل تكون المربى كريمى

وهنشتغل فى الخلاط زى عادتنا . هنحط البيض والفانيليا والخل ونضرب كتيررررر لحد ما يضاعف ولونه يفتح نحط السكر ونضرب وبعدين الزبده ونضرب وبعدين المربى و الحليب ونضرب كتير ” كتر الضرب هيدى نتيجه احلى ”

نجهز الدقيق ورشه الملح والكيك شيف ونقلبهم وننزل عليهم باللى فى الخلاط ونقلب قوام الخليط هيكون كريمى هش ” مش سائل ” وده القوام المطلوب

نبطن قالب ٢٢ أو ٢٤ بالزيت ونصب الخليط وعلى فرن سخن مسبقا على درجه حراره ١٨٠ لتمام التسويه تقريبا ٢٥ دقيقه ونطفى لما يستوى ونسيبه جوه كم دقيقه ونطلع تبرد تماما بدون تغطيه قبل التقطيع والتقديم

ولو جربتوها وعجبتكم عرفونى علشان المره الجايه اقولكوا على صوص تحفه هنقدمه مع كيك المشمش يكون بديل اى تورته فى مناسباتنا فى البيت.

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *