الرئيسية أخبار كيك بطعم الفراوله الشهي وصفة جديدة مقدمة من شيف هدير علام

كيك بطعم الفراوله الشهي وصفة جديدة مقدمة من شيف هدير علام

moda 723
كيك بطعم الفراوله الشهي وصفة جديدة مقدمة من شيف هدير علام
واتساب ماسنجر تلجرام

كيك الفراوله 🍓مقدم من شيف / هدير علام

وصفه جديده  لمحبين الفراوله كيك تحفه زى الجاتوه ومزازه الفراوله مع سكر الكيك واخد الطعم فى حته حلوه اوى

والصوص منه فيه زى الشاتو كده  طريقه جديده

كوب ونص دقيق . .. معلقه كبيره كيك شيف

بيضتين .. معلقه صغيره فانيليا سائله

نص كوب سكر ابيض ناعم .. باكو جيلى فراوله “بستخدم دريم”

كوب لبن .. نص كوب فراوله متقطعه ” تقريبا ٧ وحدات فراوله”

كوب زيت .. ذره ملح

الطريقة :

يلااا نطبق فى الخلاط هنحط الفراوله واللبن والسكر وباكو الچيلى ونضرب كتيررر بعدين نضيف الزيت بالتدريج ونضرب ولازم بالتدريج علشان يعمل قوام للصوص

بعد كده ناخد كوبايه من الخليط ده ونركنها فى التلاجه واللى باقى فى الخلاط نحط عليه بيضتين وفانيليا ونضرب كتيررر بعد كده فى طبق نحط الدقيق والكيك شيف وذره الملح ونقلب وننزل عليهم باللى فى الخلاط ونقلب كويس جدا لحد مايبقى خليط ناعم مفهوش تكتلات .. نصب فى صينيه ٢٠ أو ٢٢ مبطنه زيت وعلى فرن سخن مسبقا على ١٨٠ لحد مستوى تقريبا ٢٥ دقيقه نسيبها تبرد تماما تماما ساعتين مثلا بعد كده نقلبها ونعمل فيها ثقوب بالاستيكس ونسقيها الصوص اللى شيلناه ونزين بالفراوله وبالهنا والشفا

الصوص انا زودتله لون طعام احمر صحى علشان اخد لون احمر .. ممكن تعملوا كده وممكن تحتفظو بلونه زى ماهو بس الطعم رهيب بجد هيعجبكم جداااا .. جربوها بقى وقولولى رايكواا

اترك تعليقا

لن يتم نشر عنوان بريدك الإلكتروني.