الرئيسية خواطر ” كلام من القلب ” دايما شايله هم كل اللي حواليكي

” كلام من القلب ” دايما شايله هم كل اللي حواليكي

moda 2525
” كلام من القلب ” دايما شايله هم كل اللي حواليكي
واتساب ماسنجر تلجرام
بقلم / نسرين نبيل
“رصــــد الــــوطــن”

مش عارفه مالي ….. زعلانه كده عالطول

قولت أو من غير …… ما أقول

شايله الهم دايما ….. علي راسي

ما أنا اللي في كل حاجه ….. بتسأل أنا المسئول

خايفة عليهم …. من الأيام

وكل يوم قبل …. ما أنام

اقعد ابصلهم ….. وأملي عيوني منهم

يمكن أنام ما أصحي تاني …. ولا أشوفهم

خايفة عليهم من الزمن ….. الكداب

خايفة يتوهوا …… في سكة عذاب

بنتي حبيبتي …وصيتي ليكي

تخلي بابا وأخوكي …. في عنيكي

مش عارفه ليه وصيتك إنتي ….. بالذات

مع إني المفروض …. أوصي بابا عليكي

يمكن لأنك أنتي ….. السند والدار

وطمأنينة لكل ….. محتار

البنت والله هي الضهر …. هي عمود البيت

اللي من غيره … يقع ينهار

هي رمز البسمة … في كل دار

بس الحمل كتير …. وتقيل عليها

ربي حاميها ….تكبر شوية تبقي سند لأمها وأبوها

سبحان من صورك ….حنية الدنيا في جوهرك

شوية وتجري بينا ….. الأيام

وتمشي من حضن …. أمها وأبوها

علشان لبيت جوزها …. ياخدوها

ويبدأ المشوار ….. في رحلة جديدة

أولها في الحمل … والرزق بالمولود

بعدها في التربية … ووضع لطفلك خطوط

والثالثة ديه …. المشكلة

يتقل الحمل عليه

جوزك قفي جانبه ….. اوعي تسيبيه

ظروفه صعبة ….طب هو يعمل إيه؟

تبدأ حكاية جديدة …. من أصعب الحكايات

تشتغل تساعد ….جوزها

وواقفة في البيت ربي….. حارسها

تجري هنا …. وهناك

تعظيم سلام … تحيات

لكل أم ربت وهي بتشتغل

علشان تساعد ….جوزها

في حمله …. وحملها

كام أم مصرية … ليها حكاية مروية

بالتعب والسهر …. والآهات

حكاية من أجمل …. الحكايات

يا أمي … إنتي السند والضهر

عنيكي هي … بسمة عمر

تمشي … تتوه دنيتي

بوجودك تحلي …. ضحكتي

ربي يخليكي … ويبارك فيكي

دايما شايله هم … كل اللي حواليكي

اترك تعليقا

لن يتم نشر عنوان بريدك الإلكتروني.