مقالات
“ماهي” بنت اسكندرية موهبة صاعدة فى فن الشعر
1 يناير، 2018, 6:07 م
3496
“ماهي” بنت اسكندرية موهبة صاعدة فى فن الشعر
طباعة
https://www.rassdalwatan.com/%d9%85%d8%a7%d9%87%d9%8a-%d8%a8%d9%86%d8%aa-%d8%a7%d8%b3%d9%83%d9%86%d8%af%d8%b1%d9%8a%d8%a9-%d9%85%d9%88%d9%87%d8%a8%d8%a9-%d8%b5%d8%a7%d8%b9%d8%af%d8%a9-%d9%81%d9%89-%d9%81%d9%86-%d8%a7%d9%84/
كتبت / أسماء سعيد
“رصـــــد الــــوطـــن”
ماهي جمعة عمرها ٢٠سنه وبدأت موهبتها فى الــ ١3من عمرها تكتب “ماهي “بأسلوب الشعر حر ومن كتابتها …
و برغم اللي شوفته في الحياة
و برغم حلمي اللي بعد العمر تاه
و برغم الوجع اللي سكن قلبي و غواه
لسه صوتي قادر يوّصل صداه
لسة لحني قادر يكمل غناه
لسة فكري عايز يكمل بُناه
لسة حلمي حالف ليوصل مناه
و برغم الوجع
و الظلم و القهر و الجشع
و الخوف من الايام و الفجع
محتمل تلاقي الجدع
اللي عمره ما اشتكي رغم انه من الحية اتلدع
عايش و لو حتي علي التمني
مش هقبل اكون حاضر غايب
ولا اكون عجوز شايب
مش هعلق نفسي بأمل خايب
ولا همسك تاني ف حبل دايب
ولا هكون للفشل هايب
مش هكون للخوف فريسة
ولا هقلق من عيون شريسة
وبرغم الضلمة والغيوم
حلمي حالف لفي بحر اليأس يعوم
ولو قلبي يوم راح يتفجع
هدوس عليه ولا هتوجع
ولا هزعل علي حد راح ما رجع
وبرغم الهجر و اللوم و العتاب
برغم اللي شوفته من عذاب
لسة قادر افتح للفرح الف باب
لسة قادر اصحي املي اللي خاب
و ارجع حلمي اللي غاب
واحلف ان قلبي من الحزن تاب
- مقالات ذات صلة
- المزيد من الكاتب
- مقالات قد تهمك
