نيفين التونى فى اول حوار لها ..تحكى عن بدايتها ولقاءها مع الفنان أحمد عز فى ” الأكسلانس”

حوار : نرمين العرابي "رصــــد الـــوطــــن" رغم صغر سنها لكن.
Article rating: out of 5 with ratings

نيفين التونى فى اول حوار لها ..تحكى عن بدايتها ولقاءها مع الفنان أحمد عز فى ” الأكسلانس”

حوار : نرمين العرابي "رصــــد الـــوطــــن" رغم صغر سنها لكن...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

نيفين التونى فى اول حوار لها ..تحكى عن بدايتها ولقاءها مع الفنان أحمد عز فى ” الأكسلانس”

19 يوليو، 2017, 1:33 م
1457
نيفين التونى فى اول حوار لها ..تحكى عن بدايتها ولقاءها مع الفنان أحمد عز فى ” الأكسلانس”
طباعة
حوار : نرمين العرابي
“رصــــد الـــوطــــن”

رغم صغر سنها لكن استطعت ان تضع نفسها فى مكانه مميزه وسط جيل الشباب الحالى من نجوم جيلها لأنها تمتلك موهبة فنيه خاصة استطاعت من خلالها ان تؤدى جميع ادوارها بكفائه الفنانة الكوميدية ” نيفين التونى” تفتح قلبها فى حوار خاص لنعلم منها كيف بدات الفن و ماهى اخر مشاريعها الفنية.
مين هى نيفين التونى و كيف بدات حياتك الفنية ؟
انا معايا ليسانس حقوق اشتغلت مسرح كتير جدا كنت بمثل وبرقص اتعلمت كتير من المسرح وكملت ادواتي منه كنت مع الأستاذ محمد صبحى في work shop 2003 وبعدين دورت كتير جدا على أدوار كوميديا للبنات شبه مش موجوده ونادرة ولازم الكوميديانه يكون فيها عيب خلقي علشان تضحك ترشحت في أول سيت كوم حرمت يا بابا. كان مع الأستاذ حسن حسني وكنت سعيده جدا ماكنتش خايفه من الكاميرا كنت عايزه أفضل أمثل ادامها كتير المشهد اللي عملته مع الأستاذ حسن حسني وصل لنصف ساعه ارتجال والمخرج أحمد صالح مقالش استوب سابنا نرتجل وبعدين عملت إعلان شيبسيكو وسيت كوم تامر وشوقية. وفى رمضان عام 2014 جالى مشهد كوميدى مع الفنان الكبير أحمد عز , أول ماقريت المشهد لازم اعملة وانبسطت بيه وبكتابته ولما روحت أصور كان النجم احمد عز كنت متوترة طبعا بس الحقيقه هو طمني جدا واداني مساحه اني ابدع.
طيب ممكن تحكيلنا تفاصيل القاء بينك وبين الفنان أحمد عز؟ وهل المشاهد اتعاد اكتر من مرة ؟
كنت مبسوطه اوى اوى الحقيقه كنت متوترة جدا وخايفه يطلع دمي تقيل في المشهد وكنت مذاكرة جداً الحقيقه هو كان مبتسم ابتسامة جميله ومطمئنه عملنا بروفه لقيت الأستاذ أحمد عز بيضحك انبسطت جدا وقلت الحمد لله وعيدنا المشهد اكتر من مره بأكثر من زاويه وكان بيساعدني في المشهد بادائه جدا علشان اطلع احسن حاجه عندي ومبسوطه انه اتاح ليا الفرصة.اما العمل التاني المختلف كان مع الأستاذ أحمد سمير فرج في مسلسل الخطيئة مسلسل 60 حلقة كان دور بنت سوسه بتنقل الكلام بين الأبطال وبتتجسس عليهم وبتوقعهم فى مشاكل كتير وكان دور جاد مفيهوش كوميديا من اى نوع وشخصية مستمره في نسبه كبيره من الحلقات دور جيهان ودي فرصه الأستاذ أحمد سمير فرج شايف اني كوميديانه بس ممكن أمثل أدوار جاده وغامر بيا في مسلسل الخطيئة بدور جاد وشايف الفنان لازم يعمل كل الأدوار. اخر إعمالى مع الفنان إشرف عبد الباقى وانا بشكرو لان اتاح ليا فرصة فى مسرحية مهمة على مسرح تياترو مصر والحقيقه كانت تجربة جديدة بالرغم اني اشتغلت مسرح بس ده من اكتر المسارح الشغل فيها لا ينقطع حتى وانت على خشبة المسرح الشغل مستمر وعملت دور فكيهه في مسرحيه اقرأ الحادثه إخراج نادر صلاح الدين والحقيقه انها كلها أدوار مميزه ومختلفه وصعب أن الناس يربطو الشخصيه بتاعتي بالتلات شخصيات دول يمكن ده مش في صالحي علشان الناس تعرفني ويعرفو أن شخص واحد في شباب كتير حلويين بس دايما البنات فرصتهم أضعف شويه.
ومن هو الفنان والفنانة الافضل بالنسبة لديك فى الجيل الشباب الحالى؟
كتير , في فنانين وفنانات نفسي اشتغل معاهم فهمي وشيكو وماجد و أيمي سمير غانم. واشتغل تاني مع أشرف عبد الباقي والفنان أحمد عز
مين المخرجين الى نفسك تشتغلى معاهم ؟
مخرجين كتير جدا , أستاذ أحمد سمير فرج , الإستاذ أحمد التونى , الأستاذ وائل عبدالله على إدريس , محمد العدل.
بتصنفى نفسك فنانة كوميدية ولا الجمهور هو الى صنفك كوميدى؟
انا بحب الكوميديا جدا , بس كمان في الخطيئة مكنتش كوميديانه بس.الناس حبتني , مش المهم اتصنف ايه المهم الناس لو حتى ابتسمت انا هاكون مبسوطه.
هل تعتقدى ان الاحداث السياسة التى مرت بمصر اثرت على الفن وصناعة السينما والدراما المصرية؟؟
طبيعي أن لأحداث السياسيه تأثر على الفن ومش الفن بس أي مجال اتاثر بالسياسة لأن السياسية فجأة بقيت جزء من حياتنا والفن بيعبر عن حياتنا بس المهم إسلوب التناول .

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات