الرئيسية اخبار عاجلة ” كلام من القلب ” أحلام شاب موجوع

” كلام من القلب ” أحلام شاب موجوع

moda 3736
” كلام من القلب ” أحلام شاب موجوع
واتساب ماسنجر تلجرام
بقلم / نسرين نبيل
“رصــــد الـــوطــن”

 

بحلم في يوم…… يا دنيا يا معانداني
أحلم….. ده أقصي أحلامي
إني أعيش…. وأتجوز….. ويبقي عندي عيال
نفسي… أعملهم اللي ما اتعمل فيا
وتبقي دنيتهم…. حلوة في عنيهم…. وفي عنيا
بحلم يكون عندي صبية…. حلوة زي أمها
ضحكتها تملي الدنيا…… عليا
نفسي أعلمها…. وأعملها مستقبل…. إنما إيه
نفسي ما يبقاش فيه فرق….. بين الفقير والبيه
نفسي في التعليم…. ما احسش إني فقير
واني بتعلم…… زيي زي الغير
نفسي يا بنتي لما تكبري….. يبقي معايا كل حاجه
وأجبلك حته من السما….. وزيادة
بس والله….. مجبور علي عيشتي
وبموت….. وبتقطع…. في كل حاجه
موجوع….. وقلبي مات…… من كتر ماهو موجوع
بحلم….. صحيح بحاجات….. لكنها ممنوع
مالك كده ؟ موجوع…. ما تعيش وتسكت بقه
ما خلاص….. خدنا علي الحياة… ديه
حياة صعبة……. عنادية
هاعيش…. وأموت…. بس وأنا بحلم
دا كفاية…. سبوك تحلم …..عايز بقه إيه
مالك ؟ إنت طماع ليه ؟
علي قولك…… يا صاحبي
أحلم…… صحيح ليه ؟
مادام…. الحلم عمره ما هايتحقق
يبقي بقه…… هازعل وأدقق…… ليه ؟
أديني…… عايش كده…… وخلاص
وكل أحلامي……. رغيف حاف
بس يا رب…… ألاقيه
عايش….. أنا برغيف …….وبشكي لرب القوة
اللي لو غضب…… لا قوة….. ولا حول
يا بلدي….. والله بحبك…. بس إنتي ظلماني
ويرجعوا يقولوا…… عايزين منها…… إيه تاني
والله ما عايز منها حاجه…… غير بس أحلامي

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *