وصفة سهله وسريعه للدجاج (الطبق السريع)

الطبق السريع..مقدم من شيف / بيبو مجدى
المقادير والطريقه..
نتبل صدور بانيه بالتتبيله دي نص ساعه عقبال ما نعمل الرز
معلقتين كبار زبادي لو مش موجود بلاش عادي ومعلقه صغيره كركم ومعلقه ملح ونص لمونه وزعتر وفلفل اسمر نقلبها فيها عادي ونقطع بصلتين وف معلقه زيت حلوه كده ننزل صدور الفراخ المتقطعه تاخد تشوك ونقلب كويس هتنشف الميه اللي فيها ننزل بقطع البصل ونقلب ونزودها شويه ميه تستوي فيها وكده تمام الفراخ
الرز انا بحط معلقتين سمن او واحده زيت وواخده سمن عشان يفلفل وتسخن ننزل فيها نص كوب ميه ونحط الملح عليها وتغللي ننزل الرز المغسول ونغطيه بميه تاني واول ما يتشرب نوطي لخد ما يستوي
الخضار السوتيهر..
عملته كتييير جدا تقطعي الخضار وتسخني ميه فيها نقطه لمون وتنزللي الخضار دقيقتين بالترتيب فاصوليا وجزر وكوسه وبطاطس ونرفعها من الميه علي ميه ساقعه ومعلقه زيت لو تحبي بصل چوليان حطي لو لا بلاش بيدلها طعم
قلبي الخضار ع الهادي مع زعتر وملح خفيف بالترتيب برضه ولو عندك برتقال بحط ربع كوب معاه او لمون نص لمونه بيخللي لونه رهيب وطعمه كمان
جربوها واحب اعرف رايكوا..