أسباب وعلاج رائحة النفس الكريهة ” Bad Breath Or Halitosis

رائحة النفس الكريهة
” Bad Breath Or Halitosis ”

مشكلة بتواجه ناس كتيرة أوى كبار وصغار ، وامهات كتير بتسأل عن الموضوع ده ،

اسبابها بسيطه ومعروفه ، لكن مهم فيها التشخيص المباشر بعد الفحص

نعرف اهم الأسباب

👈 تسوس الاسنان اول الأسباب

👈بقايا الاكل بين الاسنان وتخمرها

👈التنفس من الفم

👈ارتجاع الافرازات الانفيه للحلق post nasal discharge ودي اشهر الاعراض خاصة اثناء النوم ( الطفل الصبح ريحة الفم كريهه جدا )

👈 حساسية الانف والتهاب الجيوب الأنفية

👈تصخم اللوزتين واللحميه

👈 الارتجاع وده احد اهم أسباب رائحة الفم الحمضيه او النفاذه(وليس الكريهه)

👈جرثومة المعده

👈 الانتفاخ والتكريع المتكرر

👈 عادات الاكل السيئه( السكريات والمسبك والبصل والتوم والمواد الحافظه )

👈 الجوع وعدم تنظيم مواعيد الوجبات

👈التهاب اللسان واللثه ( الهربس ، الفطريات )

👈 بعض الادويه المسببه لجفاف اللعاب زي فوارات الاملاح والمضادات الحيويه

👈 بعض الامراض المزمنه زي الالتهاب الكبدي .

ومع كل الاسباب دي ، نعتبر ان رائحة الفم الكريهه ف الاطفال عرض مؤقت ، سهل معرفة سببه وعلاجه ، سواء بتغيير نظام الاكل المسبب للرائحه ، او علاج المسببات المرضيه السابق ذكرها ..

طفلك لو اسنانه فيها تسوس 👈عرض طبيب اسنان

طفلك لو اعراضه حساسية انف او تضخم لوز ولحميه 👈عرض طبيب انف واذن

طفلك لو اعراضه التهابات فم او ارتجاع او نزلات برد متكرره 👈عرض لطبيب الاطفال

في الرضع اقل من 6 شهور وقبل ادخال الاكل ، دي مشكله ارتجاع وخنفره 100% واعراضها بتكون واضحه جدا ويلزم علاجها لانها هتكون سبب رئيسي لنقص النمو واضطراب الطفل طول الوقت

#اطفال_كلينيك_د_احمد_السباعي