الأرز المعمر الشهي بدون قشطه مقدم من شيف سارة رجب
الرز المعمر الفلاحى ع أصوله بدون ولا غلطة وبدون قشطه عشان مش دايماً متوفره عندنا… تقديم / شيف سارة رجب
الطريقه فيديو للي يحب يشوفه عملي وازاي نعاير اي طاجن او صينيه ونعرف مقدارها المناسب
الطريقه كتابه للي معندوش قدره يشوف فيديو
الرز المعمر الفلاحى ع أصوله… Sara Ragab
الأول نعاير الصينيه… نحط رز مصري مش مغسول ف قاع الصينيه او الطاجن و نشوف ارتفاع الرز بصابع السبابه يكون الرز عقله صابع او اقل شويه من اول عقله.
نعاير بقى الرز ده بكوبايه انا المقدار ده كوبايتين ونص رز نغسله ونصفيه…كل كوب رز ليه كوب ونص حليب.
المقادير…Sara Ragab
٢ونص كوب رز مصري مغسول ومتصفي
٤كوب حليب سخن جدا قرب الغليان
ملح حسب الرغبه
معلقتين ونص كبااار زبده
معلقتين كبار زيت
الطريقة..
نحط الرز ف الطاجن و عليه الزبده وندعكه كويس اوي اوي وعليه الزيت ونساوي الرز…
نحط الملح ع الرز ونظبطه وننزل بيه ع الرز بهدوووء وبراحة عشان الرز تحت يفضل محافظ على أنه متساوي ويدخل فرن سخن جداااا الرف الوسط فرن وشوايه… نسيبه عشر دقايق لربع ساعه تحت الشوايه لما يتحمر نطفي الشوايه ونهدي النار ل ١٨٠ ونسيبه ساعه الا ربع ع نار هاديه وبكده يكون خد ساعه من اول دخوله الفرن وهيطلع احلى واجمل رز معمر.
اترك تعليقا