الزواج المزيف
كتبت :اميره علوان
لزوم المظاهر قدام الناس حاجه كده لزوم القيل والقال والنفخه الكدابه شوفتوني وأنا متجوز فلانه بنت فلان وأخوها وعيلتها وسيرتها الذاتيه أهي تيجي العروسه
شوفتوني وأنا متجوزه فلان إبن فلان وإخواته ومامته وجوز أخته
وينكتب الكتاب ويوزعوا
الكروت ويحجزوا القاعه ولازم قاعه فخمه حتي لو هيستلفوا إتفقنا لزوم المظاهر إنشالله هيجيبوا قرض ويقيس البدله وتقيس الفستان ويدبحوا العجل ويأكلوا المعازيم علشان تطلع تتكلم كويس
عليهم وهو المطلوب إثباته
ولزوم النفخه الكدابه
والمنظره الفارغه
وتخلص الجوازه يسكتوا لاء طبعا لازم شويه صور وإظهار للسعاده والفخامة والأماكن المليئه بالرفاهيه
لزوم الشئ ولإنبهار الأخرين علشان ينبهروا
ويتكلموا عليهم كويس حاجه كده تليق بالمقام وقيل وقال
و واو
وشوفوا دول هاي أوي معاهم فلوس أغنيه مستوي تاني
ولايكات ولافلفات وكل عيد ميلاد أو مناسبه أو عيد جواز لازم المنشنات لزوم الشئ وتعدي سنه وسنتين وخمسه خلاص
ميبقوش قادرين يكملوا تمثيل تعبوا تمثيل هو كاتب كام ورقه عرفي مع كام ساقطه وعايش وراكنها عالرف
وهي نفس الشيء عايشه الدور مع كام رفيق ومظبطه حالها طبعا هو فاكر إنه بس
إللي بيكون عايش حياته وهي مركوناله عالرف
لما يفتكرها
لاء طبعا
ومنين ميفتكرها ويفتكر الواجب إللي عليه من وقت للتاني يديها حقوقها بلا مشاعر وأحاسيس
وهي نفس الشئ فاكره كده زيه أو عارفه إنه بيخونها وساكته
ليه ساكته أولا علشان شكلها قدام الناس
ولو عرفته إنها عارفه ومطلبتش الطلاق تبقي بلا كرامه قدامه
ولو عملت مش عارفه كده كده مش بتكون مرتاحه تفضل تدور وراه وتشك فيه وتفكر تروح لاي لأي
ساحر شرير
تعمله أعمال وتأكله وتشربه وترشله والباقي أكيد إنتوا عارفين
وتعدي سنين جحيم فمحاولات
لو نجحت لفتره فمسيرها تنكشف
ويعيشوا أموات
علي قيد الحياه وفجأه يلاقوا روحهم ضحيه جريهم وراء المظاهر الخداعه
ويخلفوا كام طفل هيا علشان تربطه بيها أكتر وده فحد ذاته شخص مبيحبش أصلا نفسه كل تفكيره فالشكل الإجتماعي وهو كل مشكلته عايز يربط إسمه باسم زوجه حاجه كده أد المقام علشان وهو بيملي أي سيفي محتاج الاسم مش أكتر وهي كمان مبتفكرش غير فالشكل الإجتماعي
الناس هتقول هتعيد ودماغهم فاضيه للخيابات دي
وتبدأ رحله المعاناه
فعلاقه سامه
يا تكملوا وتعيشوا بمشاعر مسمومه ياتعيشوا علشان تنقذوا المظاهر
والباقي من عمركم يكون ضايع
ضحيه مرض العصر
حبهم للمظاهر خلاهم يعيشوا ميتين ونسيوا إنهم فالحياه دي بنعيش مره واحده بس أوقات كتير إللي بنملكه ممكن يضيع مننا فثانيه وكل شئ فاني لا الغني بيفضل غني ولا الفقير بيفضل فقير
كتير مشاهير فقدوا شهرتهم بعد فتره
وكتير أغنياء إفتقروا وكتير فقراء إغتنوا
واللي كانوا شغاليين عند أصحاب الأملاك والأراضي والعقارات
فيوم وليله
هو إللي أصبح شغال عنده
وكل من عنده منصب فيوم وليله بيفقده
هما إختاروا وقرروا فكل ما يخص حياتهم وأنفسهم مقابل البرستيج قدام الناس
قالت هتقول وحبهم فالناس تتكلم وتنبهر بيهم
كان بالمقابل إختيار أشخاص مانيكان ففاترينا
بعيده كل البعد عن الإختيار الصحيح ونسيوا تماما
المشاعر لغوها علشان كده عايشين مع بعض حتي بعد ما كل واحد عرف كل ده عن التاني
وساكت وكمان ممكن يداري عليه إنه عارف و ساكت علشان الشكل الإجتماعي
بيكون فتره ممكن تحافظ عليها وممكن تطول لكن أخرتها بيحكي كل واحد إللي شايله جواه مالتاني حتي لو فدايرتهم القريبه
ولنفس الأشخاص إللي بسببهم كان القصد إنهم يبهروهم بيهم
وبجوازهم وحياتهم المزيفه
يعني الموضوع بيوصل فالأخر نفس الأشخاص إللي عملوا عليهم فيلم السعاده المزيفه
عرفوا فالأخر إنهم كذابين وفيهم عيوب كتير وفالأخر العلاقات المزيفه دي
بتنتهي علي طلاق بلا عوده أو بقاء داخل علاقه سامه يبقي كانت ليه مالأول علشان لزوم المظاهر الخداعه إللي شاغله الجميع والنقص إللي فشخصياتهم ده محتاج كتير أوي
علشان يبنوا شخصياتهم الجديده ويعززوا ثقتهم بنفسهم
نستفيد إيه من طريقه التفكير المتخلفه دي نثق بنفسنا وجدا وأوي
منبصش فعيون الناس ونشوف قيمتنا
قيمتنا الحقيقيه هيا فشخصيتنا الحقيقيه فأخلاقنا سلوكنا إحترامنا لنفسنا
وحبنا لنفسنا لأننا لو بنحب نفسنا عمرنا ما هنقسي عليها ونختار أي إختيار مش بيسعدنا
ونحب ربنا ونتقي الله فنفسنا
وفأولادنا إللي بطريقه تفكير أب وأم تافهين مبيحبوش وميهتموش غير بالمظاهر الخداعه موفروش
لأطفالهم الإستقرار الدائم فأسره مستقره بلا نزاعات بلا إنفصال بلا سعاده
الحب الحقيقي هو إننا فالأول لازم نكون بنحب نفسنا علشان نعرف نحب ربنا ونحب الأخرين
اترك تعليقا