انقذوا أرواح أهالى قريه أولاد الشيخ بمركز مغاغه بالمنيا

لقد بدأت الدراسة واعداد الناس زادت في اللنشات لأن طلبة دبلومات الصنايع والفني والتجاري بنات شباب و موظفين وناس رايح تقضي مصالحها وناس رايح للعيادات تكشف كل دا بيركب في لنش واحد ..يعني اللنش بيقي تصريحه لو كان معاه تصريح شغال اصلا.. حوالي من 20 الي30 فرد ف الرخصة . بيركب فيه يوميا الايام دي حوالي 300 فرد من كل الفئات اللي ذكرتها دي بأجرة 8جنيه رايح جاي للفرد العادي و6جنيه للطلبة دا غير ان مفيش انضباط ف المواعيد نهائيا بيأخروا الناس والطلبة عن مواعيدهم والحجه بتاعتهم دي لنشات خاصة مش عاجبك اركب من أي بلد تاني الاعداد بتبقي زيادة لأن ميعاد اخر لنش يتحرك من القرية للمركز الساعة 1 ظهر غير كدا بتركب معدية خاصة 25 ج توصلك ع البر التاني تركب عربية خاصة تاني توصلك لغاية المركز مغاغة بأجرة 30ج لو العربية مكانتش رايحه مغاغة وانت اخدتها لان مفيش موقف عربيات على البر التاني بتبقي صدف لو لقيت ودفعت أجرة عادية 3جنيه .. و في معدية ملهاش برضوه مواعيد عن طريق العوامة اللي بتعدي العربيات خاصة برضوه …فبيبقي مشوار خاص و لو ملقتش حاجه بنروح مغاغة عن طريق القري اللي جنبا (قرية جزيرة شارونة افضل بلد فى المعديات كل نص ساعة لنش ولنشات كبيرة ونظيفة ) بتكلفة 30جنيه للتوكتوك يوصلنا للقري اللي جنبنا وتدفع اجرة عادية ف لنش البلد دي و فوق ده اللنش بيمشى ساعه كامله فى النيل بهذا المنظر ومعرض للغرق فى اى لحظه …
اتمني توصل صوتنا للسيد المحافظ ونلحق الموضوع قبل ما لا قدر الله تحصل كارثة و الناس تغرق فى لنشات غير أدمية و غير نظيفة .. عايزين بس نتساوي بالقري اللي جنبا…
اتمنى من الله ان يصل صوت اهل القريه للمسئولين حتى لا تقع كارثه ونوضع جميعا فى مواقف نسال عليها امام المولى عز وجل