الرئيسية فيس بوك و تويتر بالصور…التراس ريهام سعيد تعلن دعمها ببيان ضد قناة النهار

بالصور…التراس ريهام سعيد تعلن دعمها ببيان ضد قناة النهار

moda 1861
بالصور…التراس ريهام سعيد تعلن دعمها ببيان ضد قناة النهار
واتساب ماسنجر تلجرام
كتب /حسام صلاح
“رصــــد الـوطن”

قد قام التراس الإعلامية ريهام سعيد بإصدار بيان لدعمها في أزمتها مع قناة النهار. “وجاء نص البيان بالألفاظه وصيغته كالآتي”

الموضوع بدأ بانه ريهام راحت القناه الأسبوع الماضي عشان في اتفاق بينها وبينهم انها هتطلع مباشر من أول شهر مارس ، اتفجأت ريهام انهم جايين بيشترطوا عليها انها لازم تمضي الأول عقد ثلاث سنوات مع القناه عشان يسمحوا لها تطلع الحلقه ” وده مكنش الإتفاق ” فبالتالي ريهام رفضت وبكل إحترام لجأت للقانون وراحت عملت فيهم محضر أنهم بيخلوا بالاتفاق اللي بينهم وبيمنعوها من الظهور وانها عايزه تفسخ عقدها وتاخد بقية مستحقاتها هي والكرو بتاعها اللي مأخدوهاش من أول السنه . فالطبيعي الصحافه عرفت وكتبت
قناة النهار بقى مش تعالج الموضوع ، لا دول طينوها أكتر وقاموا منزلين امبارح بيان هتلاقوه فأول كومنت بيقولوا فيه الآتي :
ريهام سعيد إعلاميه غير مسؤوله ومخسره القناه ملايين
انه القناه مش هتسمح لها تطلع مباشر
وقناة النهار هي اللي نجحت ريهام سعيد وبالرغم من كده هي نكرت الجميل وانها انسانه لا تقدر المعروف
وقالوا جمله كده فمنتهى الفجر ، بيقولوا انه ريهام زي ما عملت معاهم هتعمل مع اي مؤسسه ثانيه لو اشتغلت معاها ، اللي هو ” محدش يشغلها ” يعني
وطبعاً كملوا تشويه وتدليس للحقايق كتير هنسيبكم تقروه فالبيان .
السؤال الاهم هنا بقى اللي لازم نسأله لاصحاب القناه المحترمين ..
– هو محدش قالكم قبل ما تنزلوا البيان ده انكم بالشكل ده شركاء معاها ؟
– طب محدش قالكم انه الناس هتقولكم لما انتوا عارفين انها اعلاميه غير مسؤوله بتدعموها بقالكم سنين وبتطلعوا تشكروا فيها فكل مكان ليه ؟
خلينا احنا اللي نقولكم الحقيقه ، انتوا اللي قناه فاقده للمصداقيه و غير امينه وانتوا اللي ناكرين للجميل ، عارفين ايه الجميل ؟ الجميل انه ريهام سعيد الاعلاميه الوحيده اللي مستمره معاكم من اول يوم فتحتوا فيه القناه لحد انهارده ، ايام ما كانت القناه شغاله على اسم ريهام سعيد بس ، قبل ما ربنا يفتح عليكوا وتعملوا سلسلة قنوات دراما وكوره واخبار
ريهام سعيد اللي خلت اسم قناتكم يتقال فالصحف العالميه ويبقى تريند ، ريهام سعيد اللي جبتوا من وراها ملايين اعلانات ايام ما كانت حلقاتها من كتر ما الوطن العربي كله مستنيها كنتوا تقولوا لها عالهوا انها تكمل براحتها وتزودوا ساعتين وتلاته فوقت البرنامج وكله بيرجع عليكم بالفايده
ريهام سعيد اللي ايام حلقة رأس غارب خلت مصر كلها تدعيلكم وتشكر فالقناه
ريهام سعيد الإعلامية الوحيده اللي من كتر اهمية حلقاتها خليتوا البرنامج تلات أيام بدل يومين وكمان فبعض الاوقات بتخلوها تطلع يوم رابع كمان !!
ريهام سعيد الاعلاميه الوحيده اللي لو مطلعتش هوا الجمهور بيتصل على كل برامج القناه التانيه يطمن عليها فسابقه عمرها ما حصلت مع اي اعلامي فالعالم
ريهام سعيد اللي مباركه لكم القناه بالخير والحسنات ودعوات الناس
دلوقتي عشان هي فموقف ضعف بقيتوا بتعرفوا تتشرطوا عليها لا وكمان تنزلوا بيان عايزين تقعدوها فالبيت !! دلوقتي بقت ريهام سعيد بتخسر القناه ملايين يا كذابين يا مزورين ، دلوقتي بتجيبوا لها القديم والجديد وبقت ريهام سعيد بتشوه رموز الدوله ؟؟؟ طب وانتوا بقالكم سنين ساكتين عليها ليه ؟؟ بالرغم من ان كل القضايا او اللي سمتوها ” مشاكل ” اللي ريهام عملتهالكم القضاء برأها فيها كلها بلا استثناء
عارفين ليه ؟ عشان انتوا قناه فاسده و غير امينه ومعندكوش مصداقيه ومش أول مره ريهام تبقى عايزه تسيبكم من قرفكم وكذبكم بس انتوا اللي كل مره بتمسكوها من ايديها اللي بتوجعها وهي الأطفال والمرضى والخير
لازم تعرفوا انه ريهام مهما عملتوا هيفضل جمهورها ساندها وفضهرها لانهم عشره معاها من سنين كتير اوي ، عشره اكبر من عمر القناه العظيمه بتاعتكم
وهيفضل جمهورها وراها وبيدعمها اول ما تروح اي قناه جديده .
اما انتوا خليكوا فبرامجكم الفاشله التافهه والاعلاميين بتوعكم اللي مفيش واحد فيهم بيطيقكم ست شهور على بعض .”

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *