بالفيديو :السمك المكرونه المقلي الشهي بأفضل تتبيلة أفضل قرمشه
سمك المكرونه المقلي بأجمل تتبيله واجمد قرمشه ممكن تدوقوها تحفففففه..تقديم / شيف سارة رجب
المقادير.…
كيلو سمك مكرونه متنضف ومتقطع
التتبيله…
نص طماطمه متوسطه
5فصوم كبار توم
قطعه فلفل احمر
جزره صغيره
5 أعواد كسبره خضره
عودين شبت
2لمونه
معلقه خل
ملح وكمون و كسبره ناشفه وشطه وكاري
الطريقه…
ف الكبه او الخلاط نضرب مكونات التتبيله ونظبط الملح
ونتبل السمك كويس من جوه وبره و لو فيه قطع سمك سميكة اوي نعمل فتحات بالسكينه علشان تتشرب التتبيله كويس و تستوي كويس وقت القلي… نسيب السمك ساعه ف التتبيله ان امكن
نكون مجهزين علبه فيها كوب الا ربع دقيق عليه معلقه كبيره مليانه نشا
نحط قطعه سمك ف العلبه ونرجها كويس جدااااا لما تتغلف كويس ننفضها من الدقيق الزياده وننزل بيها فورا ع زيت سخن نار متوسطه لما يتحمر.
يتقدم مع رز صياديه وسلطه طحينه وسلطه خضرا
لو عجبتكم الوصفة واستفادتم سيبو تعليق برأيكم
الوصفه فيديو للي يحب يشوفها عملي و التسويه المظبوطة للسمك
اترك تعليقا