بسبوسة الحلوانى بخبره 10 سنين مقدمة من شيف / سارة رجب

بسبوسة الحلوانى بخبره 10 سنين مقدمة من شيف / سارة رجب

المقادير :

كوب الا ربع سمنه

نص كوب حليب

ربع كوب عسل جلوكوز «او عسل نحل او شربات تقيل تُقل العسل» بس الجلوكوز افضل ف النتيجة

نص كوب سكر

نص كوب جوز هند (اختياري)

2كوب ونص سميد خام من العطار . يفضل سميد 5 نجوم

الطريقة :

ف حلة ع نار هاديه ننزل بالسمنه  تفك من غييير ما تسخن تكون دافيه وندعك ونبس السميد كويس بالايد او معلقه سليكون

و ف نفس الحله مكان ما سخنت السمنه ننزل بنص كوب الحليب يدفي انزلي بربع كوب عسل الجلوكوز ونقلب لما يدوب ننزل بنص كوب السكر تقليبه واحده ونطفي ننزل جوز الهند و نقلب و بعدين ننزلهم ع السميد دفعه واحدة و نقلب بدون عجن يدوب نتأكد انه شرب كل السوائل …ننزل الخليط ف صينيه مقاس 28 او 30 لو بتحبوها رفيعه و 26لو سميكة ..

الصينيه تكون مدهونة معلقه سمنة و معلقه طحينة ونقطع البسبوسه و تدخل فرن سخن 180 الرف الوسط ع الشبكة فرن بس بدون شواية لمدة نص ساعه تحمر الجناب نشغل الشوايه خمس دقايق تتحمر ونطفي و قبل ما نطفي بعشر دقايق نولع ع الشربات

كوب ونص سكر وكوب ونص ميه يغلو ننزل بعصره لمون نقطتين تلاته  دقيقتين غليان فقط ونخرج البسبوسة سخنة نسقيها الشربات بيغلي وتتقطع باردة تماما

لو عجبتكم الوصفة واستفادتم سيبو تعليق برأيكم وشير علشان يوصلكم كل جديد