حلى اللوتس (كيكة اللوتس )

حلى اللوتس (كيكة اللوتس )
مقدمة من / سارة عيد

مقادير الطبقة الأولى :
•كوب ونصف دقيق / ٣بيضات / كوب إلا ربع سكر / نصف كوب حليب / ربع كوب زيت علي سمنة او زبدة بلدي سايحة / معلقة صغيرة فانيليا / كيس بيكنج باودر /رشة ملح
ف بوله نجهز كوبين لبن عليهم كوب كريمة خفق و٣ملاعق سكر ومعلقة صغيرة فانيليا هتعرفوا ليه كمان شويه

⚠️الطريقة :
فى بولة ننزل بالبيض معاه الفانيليا والسكر ونضربهم لوقت ما يكون لونهم ابيض
وننزل عليهم بالسمنة والزيت ونكمل ضرب
وننزل بالحليب ونضرب
واخر حاجه الدقيق ويكون منخول وعليه البيكنج بودر ورشة الملح ونخلط كله بالمضرب ع اقل سرعه
نكون مجهزين صنيه مدهونه ومرشوشه بالدقيق
وتدخل فرن ساخن ع درجة حرارة ١٨٠ لمدة ٣٠ دقيقة
(اول ماتخرج نجيب خلة اسنان ونخرمها كلها ونسيها ١٠ دقائق تبرد
بعدين هنسقيها بقي بالحليب وكريمة الخفق اللي قولنا عليهم فوق ونسيبها ١٠ دقائق كمان)

مقادير الطبقة الثانية :
علبة قشطة للحلويات / ٧مكعبات جبنة كيري او جبنة كيري كريمي او اي جبنة كريمي تحبوها اهم حاجه ماتكونش فيها ملح / ربع كوب سكر /نصف كوب حليب / بسكوت لوتس / ٣ملاعق كبار من زبدة اللوتس🍯 هتلاقوها ف اي مول او سوبر ماركت كبير 🍯

الطريقة نخلط كله بالمضرب او ف الخلاط ويكون قوامها لا تقيل اوي ولا خفيف اوي وننزل بيه ع وش الكيكة / وبسكوت اللوتس هنطحن منه الكميه اللي نحبها ونرشه ع وش الكيك

الطبقة الثالثة هناخد ٥ ملاعق من زبدة اللوتس
او المقدار اللي تحبوه حسب ماهتحبو طعمها
وهنسيحها دقيقة او اقل ف الميكرويف وننزل بيها ع الوش بالطريقة اللي تحبوها ممكن تملوا الوش وممكن خطوط زي مانا عامله