الرئيسية أخبار خط فكف

خط فكف

moda 578
خط فكف
واتساب ماسنجر تلجرام

كتبت : اميره علوان 

 

كل ماشوف كفي ألاقيه كله خطوط داخله فبعضها طرق كتير مش مفهومه

أفتكر وقتها كل تخبطات الحياه إللي أنا عيشتها وإللي ياعالم مكمله معايا ولا إيه أفتكر وأنا صغيره كل علقه سخنه أخدتها من بابا بسبب حاجات عاديه وتافهه وحاجات أنا أصلا معملتهاش وذكريات الله لا يعودها في فحياتي تاني ذكريات كتير مؤلمه وأحلي مافيها لما كنت صغيره وبرائتي وفطرتي وخاصتا أول يوم روحت فيه المدرسه وكان كل طموحي أقف فأول الطابور أو فنشره الصباح تقولشي مذيعه وكان نفسي أقف علي أي أله موسيقيه وأعزف تن تريرين تريرين ياه كنت بعشق الموسيقي من صغري والغناء تقولشي شيرين عبد الوهاب والنشيد الصباحي بلادي بلادي أد إيه كنا عايشين وخلاص وكان آخر همنا نلعب ونشتري حلويات ده لما كنا بناخد مصروف أصلا وكان أكبر طموح عندي أحوش ربع جنيه وأشتري بسكوت رشا إللي كله كريمه من جوا كان ملظلظ أوي ولذيذ عن نفسي كان مصروفي شلن وأيام كتير مكنتش باخده وكنت بفرح بالخواتم والتوك إللي ماما كانت بتسمسر من مصروف البيت من ورا بابا وتجيبهالي أيوه وأنا كنت بشجعها تعمل كده كنت بفرح أوي دلوقتي بقيت عينيا فارغه وطموحي كبر معايا ومشترياتي كترت ومن عيوبي التبذير مصرفه أوي ووحشه بس متقولوش لحد الموضوع ده علشان بأخاف يبوظ سمعتي وكبرت وطموحي كبر معايا وكبرت وكترت مشترياتي بصراحه نفسي أتعالج وأبقى كويسه وأعرف أحوش بدل ما أنا قاعده مفلسه كده قولولي مين فيكم كده زيي أنا برج العذراء كله لازم يرد إنتوا كلكم كده ولا أنا بس إللي مبذره ووحشه كده

فكرت التبذير حلوه فكام حاجه بس إنها خلتني من جوايا شبعانه وجيبت كل الحاجات إللي كان نفسي فيها وخلت نفسي شبعانه من كل الحاجات إللي بتروح عليها

لحد ما شبعت الواحده كده تروح بيت جوزها شبعانه ومنفسهاش فأي شئ وصلت مبقاش يفرق معايا لو نفسي فحاجه ومعييش مأنا أصلا مخليتشي حاجه فنفسي معملتهاش ومجيبتهاش

برج العذراء برج مجنون وأكتر برج فالأبراج بحبه وأرتاح معاه برج الحوت مين فيكم برج العذراء ومبذر زيي قولوا متتكسفوش مين كان زميلي فإبتدائي فمدرسه سعد زغلول الابتدائيه المشتركه بطنطا ويقولي كام سنه

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *