ابدا ازاى (حمله عايزة اخس)

كتبت طريقه خطه النجاح
ازاى هنبدأ
اولا – هنمسك ورقه وقلم ونكتب نظام اكلى اللى انا متعوده عليه كل حاجه بكلها وبحبها سواء صحيه او غير صحيه
ثانيا-هبداء فى نظامى اللى انا همشى عليه واستغنى عن كل الاكلات المضره بكل اشكلها زى المسبكات والسمن المقليات والدهون المهدرجه بشكل عام
وهركز على الدهون الصحيه زى (زيت الزيتون زيت جوز الهند وزيت الحار) والمكسرات
هبعد عن السموم البيضا اللى هى (الدقيق الابيض -اللسكر-الملح)
هركز فى وجباتى على الالياف سواء موجوده فى الخضروات والفاكهه
هركز بردو فى اكلى على الاكلات ذات السعرات الحراريه السالبه
يعنى اكلات عشان تتهضم تحرق سعرات اكتر من دخولها فى الجسم زى (البروكلى-الجزر-القرنبيط-الكرنب)
ثالثا- هبدا احسب سعراتى الحراريه اللى جسمى محتاجه ودى سهله دلوقتى عن طريق اى برنامج ممكن تنزليه على موبيلك يحسب السعرات الحررايه اللى محتاجها جسمك وهتنقصى منها ٥٠٠سعر حرارى
-معلومه
الكيلو. جرام اللى بتنزلى من وزنك ٧٠٠٠سعر حرارى يعنى انتى باالاكل هتنزلى. حوالى نص كيلو اسبوعيا
وعلى فكره متفتكريش انه وزن قليل بالعكس ده النزول الصحى لانك بالطريقه دى بتنزلى دهون قديمه مش بتفقدى العضل اللى فى جسمك
فمتجريش على اى دكتور صحبتك قلتلك عليه ولا اى نظام من على النت يقولك بينزل ٥ك فى الاسبوع
لانه ببساطه ده بينزلك كتله عضليه مهمه فى جسمك مسؤله عن عمليه الحرق
رابعا -الرياضه
ودى مجال واسع لازم تبداءى فيه من اول يوم دايت ونويتى. تخسى
والرياضه عموما بتتقسم. لتمارين هوائيه زى رقصات الزومبا ونط الحبل والجرى ركوب العجل ودى مسؤله عن حرق الدهون
وتمارين اللى بتعتمد على الاوزان زى اوزان الجسم او الاوزان الخارجيه والمقومات ودى المسؤله عن رسم شكل للجسم
تيجى واحده تقول خلاص هعتمد فى الرياضه بتاعتى على التمارين الهوائيه لانها هى اللى هتنزلنى الدهون واخس على الميزان
هقولها غلط طبعا لانها بكده جسمك هيبداء يحصل فيه ترهلات بشكل كبير وبشع
حد تانى بقول هعتمد على تمارين الاوزان عشان ارسم شكل جسمى
هقولها غلط بردو لان بالطريقه مش هتنزلى على الميزان وهيجليك احباط طبعا
يبقى الحل ان الاتنين هيمشوا مع بعض حسب حالتك ودى الكابتن. بتاعتك تحددها
خامسا -اهم حاجه لنجاح نظامك شرب كمبه كبيره من الميه
اخيرا وليس اخرا حبى نفسك لانها تستاهل انها تتحب
استنونى المره الجايه…ونظام دايت لكل جسم